[عبدالله معزي]

اليكم هذه القصيده كتبتها عام 1425هـ

قال من ماباع في سوق القراش=ولا تقضى يوم من سوق الدفوش
شاعرن يصرف ثمين الهرج كاش=ولاهو بتصريف معناه مغشوش
كان هاجوسه لباب الشعر ناش=كن في جوفه يثورن القفوش
مل قلبن كل متهز الرماش = يصرف المعنى كما صرف القروش
ينقش القيفان بالمعنى انتقاش= كن دقاته على غمز الرموش
بعد ذا فصلت من زين القماش = من جديدن زاهين باحلى النقوش
ودي اسجل مع الدنيا نقاش= حيثها تسامر كبيرين الكروش
ماتصاحب واحدن حاله نشاش= من عنا الايام مبري ومعروش
خاينه وان صاحبت صحبت غشاش= صحبة الدنيا لو تطول تكوش
شف ملوك الفرس خلتم طشاش= لين كسرى زال من فوق العروش
قلتها مبغا من الدنيا معاش= ولاني مدور ورا الدنيا معوش

الموضوع الأصلي: قال من ماباع في سوق القراش(للشاعر عبدالله معزي) | | الكاتب: عبدالله معزي | | المصدر: شبكة بني عبس

[عادل العويمري]

صح لسانك اخوي عبدالله ابن معزي

تحيتي لك

وكل عام وانت بخير باليوم الوطني السعودي

[عبدالله معزي]

اقتباس من مشاركة عادل العويمري صح لسانك اخوي عبدالله ابن معزي تحيتي لك وكل عام وانت بخير باليوم الوطني السعودي

صح بدنك اخوي عادل
وكل عام وانت بصحه وسلامه
تحياتـــــــــــــــــــــــــــــــــــــي

[مسندالعويمري]

صح لسانك ودام ابداعك يااستاذ عبدالله ابن معزي



تحيتي لك

وكل عام وانت بخير باليوم الوطني السعودي

[حنان الرشيدي]

شف ملوك الفرس خلتم طشـاش....لين كسرى زال من فوق العروش



صــــــح اللــــــسانك على هذه القصيده


لأنها حقيقة كلها حكم ...


و تقبل خالص شكري ....أختك :



حنان الرشيدي

[عواض بن بهلان]

شاعرن يصرف ثمين الهرج كاش=ولاهو بتصريف معناه مغشـوش

كفو يا بن عدله

زصح السانك

يا كبتن


تحياتي

[عبدالله معزي]

اقتباس من مشاركة مسندالعويمري صح لسانك ودام ابداعك يااستاذ عبدالله ابن معزي تحيتي لك وكل عام وانت بخير باليوم الوطني السعودي

صح بدنك ابوخالد
اشكرك جزيل الشكر على الردود الجميله
والمتابعه المستمره
تحياتي وكل عام وانت بصحه وسلامه

[عبدالله معزي]

اقتباس من مشاركة حنان الرشيدي شف ملوك الفرس خلتم طشـاش....لين كسرى زال من فوق العروش صــــــح اللــــــسانك على هذه القصيده لأنها حقيقة كلها حكم ... و تقبل خالص شكري ....أختك : حنان الرشيدي

صح بدنك الاخت حنان
تحيـــــــــــــــــــــــــــــــاتي