[صقر ابن عبس]

بسم الله الرحمن الرحيم
هلا والله ومليون غلا
اخواني انقل لكم موال من محاورات حفلة عبدالله معزي امس في قرية المحفر والتي شرفها الشعراء:
ذاكر عبيد العويمري
زايد عاتي العويمري
مالك فايز الخياري
عبدالمجيد سعود الخياري
فهد فايز الخياري
والحقيقه انهم ابدعوا الشعراء الخمسه في الطواريق والالحان والمواويل الجديده وقد استمرت المحاوره اكثر من اربع ساعات
وكان فيها نوع من الفتل والنقض والمعنى بين الشعراء رغم صغر اعمارهم الشعريه الا الشاعر الكبير ذاكر عبيد الذي يفوقهم بخبرته الشعريه الطويله..
ولكنهم ابدعوالى ابعد الحدود جميع الشعراء الخمسه .
ومن ما اعجبني من الفتل والنقض بين الشاعرين
زايد عاتي العويمري و فهد فايز الخياري.
حيث قال الشاعر:
زايد عاتي العويمري
اشوف الزرع بالارض امحروثي
ولكن انت في جنبه عبوثي
وانا سعودي ولكن انت حوثي
حياة العز اخير من المذله
يالالالايلال بوش ومعه توني بلير 00 يالالالايلال دفنتهم بالنثيله

ورد عليه الشاعر فهد فايز الخياري
مدام انك سعودي ليه جالس
ترى ماينفعك هرج المجالس
وانا ما اعامل بنوك المفالس
حياة العز اخير من المذله
يالالالايلال ياللي وطيت المسامير 00 يلالالالايلال اثرك مافيك حيله
000000000000000000
وسوف انقل لكم جميع الطواريق التي جرت ان شاء الله
وشكراٍ

الموضوع الأصلي: موال في حفلة عبدالله معزي | | الكاتب: صقر ابن عبس | | المصدر: شبكة بني عبس

[(ابوعواض)]

الله يعطيك العافيه ويبيض وجهك

لاهنت ياصقرنااا

[ابو ريان الرشيدي]

صح الله السنتهم جميعاً

[صقر ابن عبس]

اقتباس من مشاركة (ابوعواض) الله يعطيك العافيه ويبيض وجهك لاهنت ياصقرنااا

الله لايهينك يابو عواض
مرورك شرف

[صقر ابن عبس]

اقتباس من مشاركة ابو ريان الرشيدي صح الله السنتهم جميعاً

يعطيك العافيه يالذيب

[محمد عيد عسكر]

الله يعطيك العافيه واخيرا نبي نسمع اصواتكم يا عيال العم وياليت اتعجل علينا وشكرا

[المحيط الهادي]

أولا .. أبارك لأخي / عبدالله معزي وأتمنى
له زواج مبارك وعقبال الذرية الصالحة ..

ثانيا .. يبدو إن المحاورة كانت ساخنة جدا
بحكم إنها جمعت بين شعراء يضعون أقدامهم
في اول الطريق المؤدي للقمة والتنافس بينهم
كبير لانهم بالنهاية سيمثلون القبيلة في السنوات
القليلة القادمة ..

وبصراحة جميعهم شعراء قادرين على العطاء
المميز في ميدان المحاورة وسبق أن حضرت
للبعض منهم محاورات كانت رائعة جدا ..

أتمنى لهم التوفيق ..

[عبد العزيز]

صح لسان الشعراء وشكرا لك على الطرح