[عبدالله معزي]

ارسل لي الشاعر حميد علي الرشيدي هذه القصيده بتاريخ 11/4/1421ه
يقول:

يابن معزي صحت من لايفن لاف =علوم خلتني على الرجل حافي

يابن معزي نية الخير تنعاف= تنعاف لاصارت بناسن ضعافي
الي يعوم مع البحر دون مجداف=ويسبب البلوى وهو مايشافي
عنتر زمانه يملك لسان سياف= وهوشبيه ام الثمان الرهافي
يمشي على وجهين واشكال واصناف= بوجه الوفا يمشي وهو غير وافي
يمهد المشوار في درب مهياف= والياوقعت يقول فيها سنافي
وده يعسف الوقت من دون معساف=وكاد هذا الوقت فيه اختلافي

رديت عليه بهذه القصيده

يامرحبا واعداد ماطاف مطاف= واعداد من صلى بمكه وطافي

برسالتن جتني على اوراق شفاف=حميد يشكيلي عقولن خفافي
يقول بعض الناس خوته تنعاف= لاصار ماهو مع خويه سنافي
وايضا حكى عن قصة ابليس الاشراف= الي يدوبح بالخلى والفيافي
يقول شب النار والنار تنشاف= مغرور في نفسه قصير المطافي
بلشت به وارسلت لك نغمة القاف= عساك تلقالي علاجن يعافي
حميد من دنياه ياضنتي عاف= بسباب هرجن زور مدري زيافي
يبلش به الي بسود اليل ماحاف= ولاثار قدامه غبار وسوافي
كانك بلشت بسورة اقرا والاحقاف= عجزت تفهمها وسقت القوافي
حنا انكبنا بين كاهن وعراف= في وسط سرداب المحن والمهافي
الكاهن اسود راكبله على هاف= دقنه طويل اسود واذانه هطافي
والساحر يشغل جهازات الاسعاف=يرسل نداه ويسمع الرد صافي
واجهتهم من قبل لاالنور ينشاف= في منطقه ضلما بها النور طافي
هاذي قضيتنا مع سنينن عجاف= كانك بلشت بهرج زور وخرافي
يابوعلي لاتصير للهرج مزهاف= سوالفن مابعدها الا العوافي
جاك الجواب الي مضرف بالاضراف= من شاعرن يابو علي معك وافي

الموضوع الأصلي: قصيده للشاعر حميدعلي الرشيدي والردعليها من الشاعر عبدالله معزي | | الكاتب: عبدالله معزي | | المصدر: شبكة بني عبس

[ابوفهد العويمري]

صح لساااااااااااااااااااااااااااااااااااان
الشاعرين حميد علي وعبد الله معزي

ومشكور يابو معزي وانتظر المزيد

[مسندالعويمري]

	صح لساان الشاعرين حميد علي وعبد الله معزي ومشكور يابو معزي وانتظر المزيد

[ثنان]

الـي يعـوم مــع البـحـر دون مـجـداف ....... .ويـسـبـب الـبـلـوى وهـــو مـايـشـافـي

صح اللسانك
يابن علي


يـقـول بـعـض الـنــاس خـوتــه تـنـعـاف ....... لاصـــار مـاهــو مـــع خـويــه سـنـافـي

صح اللسانك
يابن معزي


اخوكم ثنان

[عبدالله معزي]

اقتباس من مشاركة ابوفهد العويمري صح لساااااااااااااااااااااااااااااااااااان الشاعرين حميد علي وعبد الله معزي ومشكور يابو معزي وانتظر المزيد

الاخ ابو فهد مرورك يشرفني وابشر بكل جديد
تحيـــــــــــــــــــــــــــــــــــــــــــــــ ـــــــــــــــــــــــــــــــــــاتي

[مرزوق العجوني]

صح لسانك يابن معزي وصح لسان حميد الرشيدي

وبيض الله وجيههم على الروائع

وتقبلوا تحياتي

[عبدالله معزي]

اقتباس من مشاركة مسندالعويمري صح لساان الشاعرين حميد علي وعبد الله معزي ومشكور يابو معزي وانتظر المزيد

الاستاذ ابو خالد مرورك شرف لي
وصح بدنك كما اشكرك جزيل الشكر على ماتبذل من جهود
اشكرك ثانيه استاذي ابوخالد
تحيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــاتي

[عبدالله معزي]

اقتباس من مشاركة ثنان الـي يعـوم مــع البـحـر دون مـجـداف ....... .ويـسـبـب الـبـلـوى وهـــو مـايـشـافـي صح اللسانك يابن علي يـقـول بـعـض الـنــاس خـوتــه تـنـعـاف ....... لاصـــار مـاهــو مـــع خـويــه سـنـافـي صح اللسانك يابن معزي اخوكم ثنان

صح بدنك اخي اثنان