قال من ماباع في سوق القراش=ولا تقضى يوم من سوق الدفوش
شاعرن يصرف ثمين الهرج كاش=ولاهو بتصريف معناه مغشوش
كان هاجوسه لباب الشعر ناش=كن في جوفه يثورن القفوش
مل قلبن كل متهز الرماش = يصرف المعنى كما صرف القروش
ينقش القيفان بالمعنى انتقاش= كن دقاته على غمز الرموش
بعد ذا فصلت من زين القماش = من جديدن زاهين باحلى النقوش
ودي اسجل مع الدنيا نقاش= حيثها تسامر كبيرين الكروش
ماتصاحب واحدن حاله نشاش= من عنا الايام مبري ومعروش
خاينه وان صاحبت صحبت غشاش= صحبة الدنيا لو تطول تكوش
شف ملوك الفرس خلتم طشاش= لين كسرى زال من فوق العروش
قلتها مبغا من الدنيا معاش= ولاني مدور ورا الدنيا معوش

اقتباس من مشاركة عادل العويمري (المشاركة 171145) صح لسانك اخوي عبدالله ابن معزي تحيتي لك وكل عام وانت بخير باليوم الوطني السعودي

اقتباس من مشاركة مسندالعويمري (المشاركة 171202) صح لسانك ودام ابداعك يااستاذ عبدالله ابن معزي تحيتي لك وكل عام وانت بخير باليوم الوطني السعودي

اقتباس من مشاركة حنان الرشيدي (المشاركة 171281) شف ملوك الفرس خلتم طشـاش....لين كسرى زال من فوق العروش صــــــح اللــــــسانك على هذه القصيده لأنها حقيقة كلها حكم ... و تقبل خالص شكري ....أختك : حنان الرشيدي