[يوسف الصامل]

سعيد الفهري
ياسلام الله سلامً على النهج الصحيح=من ضميرً يدرك ان افضل الشعر اعذبه
يا حبيب لو بقي (لتر) في ديس المنيح=واستغاثك عود عطشان يمكن تشربه



حبيب العازمي
مرحبا من صافي القلب ولسانً فصيح=والعباره للقصيد (اعذب) والا (اكذبه)
اللبن ماينفع العود خله يستريح=والشقاوي ماله الا نصيبه واتعبه



سعيد الفهري
اشغالونا اهل الدعايات باسعار الفتيح=والفتيحي معه قرشين وآله حاسبه
كل مسلم خاف رب البشر ما يستبيح=شي ما هو من حلاله ولا هو بسببه



حبيب العازمي
كل شي الا الذهب مير سعره ما يطيح=و الغني من الذهب يكنزه ما يجلبه
يا سعيد الطيب اللي على هبات ريح=ان لفيته وجبك ولفالك وجبه



سعيد الفهري
وان غدرك الوقت يا طير شلوى لا تصيح=يمدي التاريخ عبا رفوف المكتبه
كل ما هبت عليكم من الايام ريح=كل طيب من يمينه ودقنه واشنبه



حبيب العازمي
الكريم اللي عطاني وانا ماني شحيح=وانت كبر واحسن الظن والله اطلبه
كثروا العشاق كلً يقول اني جريح=واجد اللي يلبس الثوب واللي يقلبه



سعيد الفهري
نعرف الوجه المبشر من الوجه القبيح=يمدي السكين تاكل قشار الحبحبه
كثرة الغلطات واللي بقاء عيسى المسيح=لو نزل في الارض طبعاً يقوم بواجبه



حبيب العازمي
الحليم اليا غضب محتمل سده يبيح=والحكيم اليا غضب فتقوا شر اغضبه

الموضوع الأصلي: نطرح لكم محاورة الشاعر سعيد الفهري وحبيب العازمي عسى ان تحوز على رضاكم | | الكاتب: يوسف الصامل | | المصدر: شبكة بني عبس

[(*العرعري*)]

اشكرك اخي على هالنقل وتسلم ايدينك

[صقر ابن عبس]

اشكرك اخي على هالنقل وتسلم ايدينك

[ناصر الخياري]

تسلم يابن صامل..
رائع صح لسان الشعاار ..

[فهد محمد]

حبيب العازمي
الحليم اليا غضب محتمل سده يبيح=والحكيم اليا غضب فتقوا شر اغضبه


مبدع حبيب في كل حالاته..

[المشعل]

محاوره رااائعه

لاهنت يوسف على النقل الجميل


تحياتي لك

[ابو بيان]

مشكور على النقل وفقك الله وتقبل تحياتي