[مشعل الخياري]

اليكم المحاوره

حبيب العازمي :
هلا مرحبا والله يمسيك بالخير *** يازيد العضيله يالسفير المحامي
وانا خابرك رجال وتمثل مطير*** وهذا السنه مري تقص الحرامي

زيد العضيله:
يدوم البقا بك عد ماغرد الطير*** وانا ما احتزم بحزام ماهو حزامي
انا عن لزومي ما اعتذر بالمعاذير*** ومن يترك الواجب عليه الملامي


حبيب العازمي:
على شجرة الزقوم عشرة عصافير *** ولا رشها البارود من غير رامي
ماندري الضيوف ضيوف ولا مسايير ***لكن الكرامه من طبوع الكرامي


زيد العضيله:
تكبر علوم الناس من دون تاثير *** بطل حلمكم يامفسرين الحلامي
ماغار صوت وراده قطينن على بير*** وهداج دائم يارده كل ضامي

حبيب العازمي:
يارجال مابه حلم يحتاج تفسير *** يحوم الذباب وطاح وسط الطعامي
من اول بغا هتلر يقود الطوابير *** ولكن اثر هتلر عليه الكلامي

زيد العضيله:
ياراعي الحروف اللي عليها دوواوير*** ترا كل خدن بان فيها الوشامي
تسولف بهتلر ناسين سالم الزير*** ولن قلت وشبك قلت ما ادري علامي


حبيب العازمي:
مريكا يصبون الذهب فالقوارير *** وحنا نصب الدم والرمي حامي
من اول تجيب بعير وتودي بعير *** وذا الحين صيدك فالجراد التهامي


زيد العضيله:
مريكا من اللي ياكلون الخنازير *** ولو فرقول وشهو حلال وحرامي
من اول زمانك غير واليوم في غير *** ولاعاد به خشمن يجيبه عرامي

حبيب العازمي:
وخاشرهم اللي له سنونن مناشير*** ياحظ الجعاره باللحم والعظامي
ابا امزح معك من باب صحبه وتذكير *** وبكره عسا العذراء تطش اللثامي

زيد العضيله:
الا ياحبيب غيروا فالتعابير*** ويالله فالرحمه وحسن الختامي

الموضوع الأصلي: محاورة زيد العضيلة وحبيب العازمي | | الكاتب: مشعل الخياري | | المصدر: شبكة بني عبس

[سيف المهيمزي]

صــح لسان الشعراء ومشكور على النقل

[مشعل الخياري]

لا لا لا لا لا لا لا لا لا شكر علي واجب

[ابو بيان]

مشكور مشعل الخياري على نقل المحاوره بين الشاعر حبيب العازمي والشاعر زيد بن سلمي
والذي اتوقع انهم يلعبون على شاعر المعنى واللجنه اذا كانت المحاوره جديده والله اعلم وحتمال زيد العضيله بيكون بدل الرياحي والله اعلم هذه وجه نظري قابله للخطاء والصواب ونتمنى من الاعضاء والشعراء تحليل المحاوره والمحاوره نفس اللغز لها رمعات وتحليلات والمعنى يفهمون الشعراء بينهم والله اعلم وياليت كل واحد يعطينا وجه نظره حول هذه المحاوره

ابا امزح معك من باب صحبه وتذكير *** وبكره عسا العذراء تطش اللثامي

واعجبني البيت السابق للشاعر حبيب العازمي احتمال حتى الحريم يدخلن شاعر المعنى ويحاورن والله اعلم قد اكون غلطان ولكن هذه وجه نظري وتحليلي للمحاوره ونشوف راي الشعراء الموجودين في هذا المنتدى ان شاء الله بيكون عندهم معلومه
وتقبلو تحياتي اخوكم ومحبكم ابو بيان

[ناصر الخياري]

لاهنت على المحاورة يابو دخيل..
تسلم اناملكـ ...

[فهد القلادي]

لاهنت يا مشعل الخياري على نقل هذه المحاورة الرائعة
بصراحة استمتعنا فيها ولاكن من وجهت نظري
يا ابو بيان ان تحليلك ليس صحيح والطاروق كله معناه بختصار
على قضية تركي 2000 لأن زيد العضيلة تربطه علاقة قوية مع تركي الميزاني

[بدر حيي]

صــح لسان الشعراء ومشكور على النقل

[محمد الهبله]

محاوره قويه

لاهنت يالخياري لاهنت