[صادق الوعد]

فيصل الرياحي ......

يا سلام الله سلام عدل مافيه انقلابه=يا جماهير ارحمونا وازحفوا عنا شويه
ياحبيب كثرو العربان والاسماء تشابه=وان مزحنا مزحة الرجال ماتزعل خويه

حبيب العازمي......

مرحبا حيا الله الحضار في حفلة شبابه=كل واحد حاضرن معنا نقدم له تحيه
اللحون المزعجه تعزف على صوت الربابه=والخطا ماهو بطبعي وانت لا تخطي عليه

فيصل الرياحي.....

يا خناذف يا شبابه كلنا عزوه ولابه =كلنا الشعب السعودي خل عنك العنصريه
يا حبيب خذ بنا جوله على ديرة عتابه =واعتبرها يا ولد عازم سياحه داخليه

حبيب العازمي.......

كل مخلوق على قده مفصلتن ثيابه =والعرب با سلومها فالدين ولا الجهاله
يالرياحي رح لدارك خل داري وش تبابه= يا مدور داخليه جتك وحدة خارجيه

فيصل الرياحي.........

لا تغارب مايصيبك كان قومت الحرابه=خل نياتك سليمة قالو النية مطيه
ما نبا الا تمشيه ونروح مافيها طلابه=والعوازم ما أحد وكلّهم على نجد العذيه

حبيب العازمي.........

هيه لا تسري على رجلك تعشاك الذيابه=الذيابه من قرى الحره ليا هضبة طميه
ليت ابن منصور ياخذ ربع من تمرة زهابه=ثم يرجع بين سين وحيد خشم الجوهريه

فيصل الرياحي.....

مابقى الا ذيب واحد كسر الشاكوش نابه=لو يشوف النار حمرا مادرى ويش القضيه
فيه يومن ما يضر وفيه يومن يندعابه =واقشر ايامك نهار يواجهك في الدرب عيه

حبيب العازمي ......

راعي الشاكوش اظنه خمه الذيب وسرى به=ما لحق عيد رمضان ولا لحق عيد الضحيه

الموضوع الأصلي: محاورة فيصل الرياحي .. وحبيب العازمي | | الكاتب: صادق الوعد | | المصدر: شبكة بني عبس

[بدر الحشية]

الف شكر على النقل الرائع

[عبدالعزيز الخياري]

اشكرك ياصادق الوعد


:p :p على نقلك الجميل ومواضيعك المتميزه:p :p

والصراحه مواضيعك تستحق الشكر عليها

والله يعافيك وتسلم يمينك على النقل

وبإنتظار جديدك...


تقبل تحياتي يالذيب..

[صادق الوعد]

اقتباس من مشاركة بدر الحشية الف شكر على النقل الرائع

هلا ,,,,,,, بدر الحشية اشكرك على المرور

والله يسلمك على الكلام الرائع

[صادق الوعد]

هلا وغلا

ابو دحيم ,,,,,,,,,,اشكرك جزيل الشكر على المرور والكلام الرائع


تقبل ......... احترامي

[أنكسارحلم]

شكرا ياصادق الوعد على نقل هذه المحاوره

الجميله بين الشاعرين فيصل الرياحي ..والشاعر حبيب العازمي

محاوره رائعه وفيها من المعاني الكثيروالكثير

الله يبارك فيك


تحياتي

[صادق الوعد]

هلا ومليون مرحبا ,,,,,,,, ناصر اشكرك على المرور


الله لا يهينك

[فيصل الرشيدي]

يعطيك الف عافية على نقل هذه المحاورة الرائعة

بين صقور وعمالقة شعراء المحاورة حبيب العازمي وفيصل الرياحي

تسلم يا صادق الوعد