[مشعل الخياري]

ابن عياد :


مرحبـا فـي حلـة الشـدادي الله لايهيـنـه = من بني الحارث صلاب الروس خطلان الايادي
المطيـري لايحيلـون العـرب بينـي وبينـه = عنده اجيوش وعتاد وعندي اجيوش وعتادي






سوار الذهب







البقا بك وانت منته سور مكه والمدينـه = بس فيكم خير والحرّث منزحة الأعادي
من هو اللي من بعد ياخذ كتابه في يمينه = ايتلفت في بلاد الناس والا فـي بـلادي







ابن عياد :






ليه يوم انك تصير اكبر بطل واكبر رهينه = بين سيل وبين ليل وراس ضلع وجال وادي
كن في عينك سراب وكن في صدرك مكينه = من مقابيس الشرار اللي تناقلها الايـادي





سوار الذهب







الله اكبر وش يهم الصابرين امن الغبينـه = بعضنا من بعضنا لو وضعنا ماهو بعـادي
لي صحيبن يوم اشوفه كن عين الذيب عينه = له ضلوع وله فزوع ( ن ) كثر عمدان الجرادي







ابن عياد :







يعرف اللي في يسار الدرب واللي في يمينه = لاعليّه بالحرام أني مااجنب عن مـرادي
امش فالدرب الصحيح وخذ زياره للمدينـه = واخذ في مكه ثمان ليال واخضع للجهـادي






سوار الذهب








الوجيه الضاحكـه مستبشـره والا حزينـه = وانت مايقطعك من نقل الصميل الا البـرادي
حسب مااسمع عنك عند البدو منت ثقيل طينه = وانت يالمفتي قريب أعطيك من شربي وزادي







ابن عياد :







وين عبدالله عن الميزان والميزان وينـه = اصقه(ن) ماعاد يسمع لاصياح ولا منادي
زادكم ماهو بحلـو ولا تغشاكـم سكينـه = تشربون امن الحليب وتاكلون امن التوادي






سوار الذهب







انت ابن عياد مانته لايقين ولا جهينـه = عدها لو الجواد المنعثر ماهـو جـوادي
قالوا العريف مظهار الفتى قـدام حينـه = وانت لو يعرفك ابن حثلين يجهلك المهادي







ابن عياد :







انت رجال متعلم مار في صـدرك ضغينـه = يوم تومي بك حدور ويوم تومي بك سنـادي
ماسبحت امع البحور ولا تعليـت السفينـه = وان نشدنا عنك قالوا من حصى الحره وغادي





سوار الذهب






يالله ارحم والديّ ويالله ارحم والدينـه = البسيطه كلها ريش ومخاليب وثنـادي
صاير البحّار عيا يتفق دينه ودينـه = بس انا رجال اصيد الا عليقه ماتصادي








ابن عياد :








الحسايف يوم قدمتـك علـى راع الدفينه = وانت وجه ( ن ) لاش نار ولاشرار ولازنادي
ان صدق حلمي لسان الرجل زايد عن يدينـه = ليت حمران النواظر طيـروه امع الحنـادي






سوار الذهب






انت وش دخلك مابين الثلاثـه والثنينـه = حارثين منقسم نصك فحمك نصك رمادي
مابقي من لمة الجهـال غيـر مصدقينـه = والا انا رجال يحكي لي لساني عن فوادي







ابن عياد :








هيه يالخباز ياللي ماتعـرف الا العجينـه = ملتوي وجهك تقول انك عن الدرب متحادي
ماطلبنا منك نقـد ولاطلبنـا منـك دينـه = البطولة للهلال وللنصر والاتحادي






سوار الذهب






اثر بعض الناس مكتوب الخطيه في جبينه = يمكن انه من عرب بين ام رابع وام حادي
لاتقلطنا ليا جينـا علـى غيـر السمينـه = وانت هذا الوقت ماينقصك غير انتل ورادي

الموضوع الأصلي: محاورة سوار الذهب و مصلح ابن عياد الحارثي | | الكاتب: مشعل الخياري | | المصدر: شبكة بني عبس

[صقر ابن عبس]

بيض الله وجهك على النقل

تقبل مروري يامشعل

[مرشدالمظيبري]

بيض الله وجهك على النقل

وتقبل مروري يامشعل

[المشعل]

محاوره رائعه بين شاعرين رائعين

لاهنت مشعل على النقل الراائع

تحياتي لك

[ابو بيان]

مشعل الخياري بيض الله وجهك على النقل ومن الشعراء الذي اتابعهم عبدالله الميزاني كثر لنا محاوراته وخاصه مع حبيب ونواف العازمي وسلطان الهاجري افضل شعراء عندي الذي تم ذكرهم احرص على محاوراتهم ونزلها لنا وصح اللسان ابن عياد الحارثي شاعر مافيه كلام وبيض الله وجهك وتقبل تحياتي اخوك ابو بيان وفقك الله

[ناصر الخياري]

ابو دخيل .
تسلم النقل الرائع .
ص لسان الشعااار

[شداد المظيبري]

يعطيك العافية ع النقل

صح لسان الشاعر محاورات رائعه

[سيف المهيمزي]

مشكور على هذه المحاوره