[abu eessa]

ســوار الذهــب




يا مرحبا ترحيب جر الموس للروس =فالواجب الي من يعرف اهله عنا له
يالي تطق الباب قفل الباب محروس =لكن ليت المورقي مثـل العضالـه





ملفــي المورقي





دام البقا من هاجسِ صتمه ونـادوس =كله لعين الي يرحـب طـاب فالـه
يالشاعر الي صايبك طاري وهاجوس =كل(ن)يسوي حيلته مـن دون حالـه





ســوار الذهــب





احلف على المصحف يمين انك ورا القوس =وانته بطل غرقـان فـي سـوق البطالـه
المورقـه نامـوس مـا جونـا بنامـوس =الله مـن كـثـر التخـلـف والجهـالـه





ملفــي المورقي





الليله انته جاينـا نعسـان وتهـوس =يستر على الرجال لا يسقط عقالـه
الناس تضحك وانت مكبوس بكابوس =والي غدا لومه على عمـه وخالـه





ســوار الذهــب






ابا اضهر الي من ورا البيبان محبوس =والضل مايكتب على بـاب الظلالـه
الي يجيب فلوس لايسـري بفانـوس =والي ورد للبيـر ماتطـوى حبالـه





ملفــي المورقي






مافيه شي في هذه الوقت مدسوس =الكمبيوتر جاب عنوان الرسالـه
كم شاعرٍ ياليتنا نغريـه بفلـوس =لكن يخلي الشعر ويخلي مجالـه





ســوار الذهــب






ليلك سرا وانته مغير تحوس ملحوس =من لا لقينا محمله ويـش احتمالـه
انته نسيت انك على قلتك منكـوس =تراك لا ريس ولا صاحـب جلالـه





ملفــي المورقي






ياعزتي للشجرة الخضراء من السوس =ما عاد فيها ضل ترقـد فـي ظلالـه
نبغاك تظهر وانت وسط الطين مغموس =شاعر بني ميزان مدري وش جرا له

الموضوع الأصلي: سوار الذهب وملفي المورقي | | الكاتب: abu eessa | | المصدر: شبكة بني عبس