[ابو بيان]

حــبـــيّـــب الـــعـــازمـــي


الشاعر اللي فيه سيما اهل الكرم والصالحيـن
احيان يقرا ماكتـب واحيـان يكتـب ماقـرا

وصاه ابوه وجده اللي وراثـه وصـا لحيـن
امايحصـل مابـحـر والايحـصـل مـاقـرا



فــــــــلاح الـــقـــرقـــاح


ياحبيّب الروقي بلشنا فـي الليالـي والسنيـن
الله يساعدنا على الكوكب وما بـه مـن ورا
راح المفرج والمـزرج والمصقـل والسنيـن
ما باقي إلا قفش ترباسه رمـا بـه مـن ورا


حــبـــيّـــب الـــعـــازمـــي


يابـو محمـد مامشينـا فالـدروب الا يميـن
وانته تعرف الايمنا وانتـه تعـرف الايسـرا
لاكن لاياخـذك فاهـل الـزور لـوم الايميـن
مار انتبه للي سرح واحسب حساب اللي سرا


فــــــــلاح الـــقـــرقـــاح

دينٍ ما ينكر منكراتٍ محدثـه ماهـوب ديـن
والوادي الممحل لا راد الله له الرحمـه جـرا

البيع يا طير السعد عد وعدد ماهـوب ديـن
والطيب اللي لا جرا غيره مع الزحمـه جـرا


حــبـــيّـــب الـــعـــازمـــي


يالله لاتفرح علي اهـل الحسـد والشامتيـن
ويبطي عدوي من صوابه بعد اصابـه مابـرا

ياهل الهوى وين الهنوف ام الوشم والشامتين
كم واحدن يقول عاشق مـار جسمـه مابـرا


فــــــــلاح الـــقـــرقـــاح


انتو وحنا طـال عمـرك كلنـا مـن قالطيـن
الله تعالى يجعـل لمـن طاعـه حجـاب وذرا
منقال طين اهل البناء ياصاحبي منقـال طيـن
ويوم الحصاد يحصّل المحصول من جاب وذرا


حــبـــيّـــب الـــعـــازمـــي


انته وابن وسام سجلتـوا هـدف فالدورتيـن
واناقريـت القارعـه والزلزلـه والـم تـرا

التين فالبستـان يارجـلٍ تبـا فالـدور تيـن
لاكـن قيـس المزرعـه باليـارده والامتـرا


فــــــــلاح الـــقـــرقـــاح


انا وابن عمي كفو والشارقـة ماهيـب عيـن
انقل ترا ما عاد في الديرة مكـان انقـل تـرا

العين صارت خشم ياحبيّب وصار الخشم عين
وهل السعودية ما تعـرف مهرجـان انقلتـرا


حــبـــيّـــب الـــعـــازمـــي



لوتحسب القسمه على المقسوم له والقاسمين
اللي يباع برخص في سوقه بسعـره ينشـرا

القاجمـل والقاجـزل والقاهـزل والقاسميـن
مير الصحافـه كـل شيئـاً ضدهـا ماينشـرا


فــــــــلاح الـــقـــرقـــاح

مافاد ابو شوشه لا ابو شارب ولا ابو شاربين
لا جات لـه بالمشتـرى والبيـع ولا بالكـرا
خلق الله بنعمة وخير ومـا كليـن وشاربيـن
خل العيون اللي نضـب ماهـا تحـلا بالكـرا


حــبـــيّـــب الـــعـــازمـــي


وين السيوف القاصمه ياصحبنا والمرت ويـن
الفن علينا ماطـرا والفـن علينـا قـد طـرا

الله خبير بحال من ماتـو ظمـا والمرتويـن
وان كان ماهب السعد فلاعلـى الدنيـا طـرا


فــــــــلاح الـــقـــرقـــاح


انا ليا جارت علـي الأيـام قلـت الله يعيـن
وإن زان وقتي جيت عدواني على الكون جهرا

الرقية الشرعيـة تعالـج لـو العايـن يعيـن
عيون يسبق شوفها الدربيل وعيـون جهـرا


حــبـــيّـــب الـــعـــازمـــي


اللي يحـب المرجلـه يبديلهـا والهـا يبيـن
واللي يعدي في كرا يقـدر يحـول مـن كـرا

وانته تعرف الصاملين امن العرب والها يبين
حدث ولاتنسى نصيبـك مـع نكيـر ومنكـرا


فــــــــلاح الـــقـــرقـــاح

يقودنا لأهل المراجل والوفاء شـوق وحنيـن
الحـزة البركـة الياجتمعـوا مشايـخ وامـرا
كلن يعرف اللي لا شال الحمل ما جاله حنيـن
وانا لكم حتى لو إنـي مـن ورا الفيـوم ارا

الموضوع الأصلي: محاورة اعجبتني (شقر)لشاعر حبيب العازمي وفلاح القرقاح | | الكاتب: ابو بيان | | المصدر: شبكة بني عبس

[سعد الفلاح]

الله لايهينك يابو بيان وتسلم يمينك على النقل وصح اللسنت الشعار ولاتحرمنا من أبداعك المتواصل ولاهنت يلغالي

[سلمان]

مشكووووووووور يابوو بياااااااااااااااااان

[ابوصالح]

شكراً لك اخي الكريم

[*العبسي*]

مشكووووووووور يابوو بياااااااااااااااااان

[ابو بيان]

اشكركم على المروور

[عيسى المويسه]

شعراء كبار ورائعين


لاهنت على النقل اخوي




لك تحيتي



...

[عبدالعزيز الخياري]

فلاح القرقاح ،، حبيب العازمي

هؤلاء الشعراء المبدعين بمعنى الكلمه

هم الذين يستحقون لقب مبدعين

وأنا اي محاوره لهذين الشاعرين اسمعها بدون تردد

لانهم يستحقون المتابعه .. اشكرك من كل قلبي يابو بيان على نقل المحاوره..