[ابو بيان]

السلام عليكم ورحمة الله وبركاتة
هذه المحاورة بمدينة الرياض عند القحاطين عام 1996 م
...

نـواف :

سـلام الله عليكـم يامعارفنـا بـنـي قحـطـان

سلامن فيه خير ويفرق الأول من التالي

أنـا بينـي وبينـك سالفـة يامطـوّع الرحمـان

وأذا زاد المـنـازع جابـهـا رجـلــي وخـيـالـي

القرقـاح :

هـلا يامرحبـا ترحيبتـن يرجـح بهـا الميـزان

عدد مالاح برقن بالمناشي يشعل أشعالي

أنا بيني وبينك يابن عازم حشمة وسفطان

وأذا جبـت العـوازم كلهـم ماشـرّب فنجالـي

نــواف :

تواصينا على الهرج المبرهنّ غالي الأثمـان

لحيث أن الرخيص أرخيص ماينسام بريالي

ليـا عـوذتـم الشيـطـان عـوّذنـا مــن الشيـطـان

وأذا تبـغـى الحـرابـة شــد حيـلـك والله الـوالـي

القرقـاح :

تواصينا على مافيه رحمـة داخـل الميـدان

وأذا شفته تضايـق خاطـرك جريـت موالـي

يقولون البحر فيه الدرر واللول والمرجان

وأنـا أقـول البـحـر ذي زرقـتـه وألا يـورالـي

نـواف :

أنا أحدك على العسرات ماني صاحبك ( سلطان )

يــجــامــل والـمـجــامــل مـايــخــلــص ديـــــــن رجـــالــــي

لـــيــــا قـابـلـتــنــا لازم تــحــســـب الـــــــزود والـنــقــصــان

ولا تـبـغــى مـكـاســب لا ســريــت بــــروس الأمــوالـــي

القرقـاح :

لو أنك صاحبي ( سلطان ) منت أبفاضين مليان

تـجـيــب الــطــرق طــوالـــي وتـبــلــش فــيـــه طــوالـــي

أنـا بنـشـدك عــن يـومـن ذكـرتـه مــن ورى الخـيـران

يـومــنــه مـــــات بـهــمــوم الـضـمـايــر كـــــل حـيــالــي

نـواف :

أنـا ماشـك فـي علمـي يشـك أقلـيّـل الأيـمـان

عسانا وأن عقدنا الحبل يلقى الحبل حلالي

أنا ماني بناسـي يـوم بانـت علـت المرضـان

وشـالـوه الـدكـاتـر ماعـلـيـه أشـمــاغ وعـقـالـي

القرقـاح :

تقوله وأنت قدمك شاعرن يصهل صهيل أحصان

يـحـكـمــون الــرجـــال وحـــــط مـعــدالــك ومــعــدالــي

لـونـهـا بـالـتـفـق وألا الـسـيــوف الــحــدب والـنـيـشـان

يـحــق ألـــك الـفـخـر مـيــر الخـديـعـه مـالـهــا والــــي

نـواف :

أنا أقول الحقيقه وأجزي الأحسان بالأحسان

لقيـتـك بالـوسـط مـاجـود لا واطــي ولا عـالـي

ليا جت للرجا مانرجي ألا الله عظيم الشـان

أقابـلـك الضـحـى ياصاحـبـي مـانــي بخـتـالـي

القرقـاح :

عسى الله يكتب أجري يوم جيتك فالبحر غرقان

وشليـتـك مـعـي يالعـازمـي مـثـل أصـغـر أعـيـالـي

تـهـدد وأنــت ضيـفـن عـنـدنـا بضـيـافـة الشـجـعـان

أظـنــك مـنــت تـايــب لـيــن تـلـقـى فـــال وأعـقـالـي

نــواف :

أنا ماقول تكذب مير أظنك بالهدف غلطان

تحاسبني وتنسى يوم أعرضك الخلا الخالي

نعـز الضيـف ونعـز الدخيـل ونفـرق الخـلان

وهـذي مـن عـوايـد ربعـنـا ماضـيـن الأفعـالـي

القرقــاح :

ياطيب العازمي لو ينغبن ماكن شين كان

ومــدامـــه كـــــذا بـعـلــمــه بـــأرقـــام جـــوالـــي

أقول أنتو كفو مير الرسايـل مالهـا عنـوان

وأنا أعاتـب رجالـن يفرقـون المـر والحالـي

نـواف :

تبى تفرض وجودك بالخطا بسم الله الرحمان

تـمـيّــل كــفــة الـمـيــزان والـمـيــزان مــــا مــالـــي

ترى اللي ماعليها سرج ماتلقى عليهـا أعنـان

وأنــا مـعـروف مـصـداري ومـيــرادي ومـنـزالـي

القرقـاح :

أقول أنته تجيب الشعر هذا من خليج أعمان

وردنــا وأرتويـنـا وأنــت نـايـم بالضـحـى الـعـالـي

أنـــا مـانــي ضـعـيّـف رابـعــه يـاطـيّـب الــجــدان

وأعرف أنا رجال الطيـب وأنتـم مثـل الأمثالـي



ملاحظة منقوووووله وامل ان تنال اعجابكم ولكم تحياتي اخوكم ابو بيان

الموضوع الأصلي: نواف العازمي وفلاح القرقاح | | الكاتب: ابو بيان | | المصدر: شبكة بني عبس

[عويض بن شامان بن خلف]

محاوره جزله من شعارجزلين
مشكور ابونيان ع النقل

[العاقل]

مشكووور يابو ريان
والله يرحم نواف العازمي ويطول عمر القرقاح

[آلنجم]

الله الله استمتعت باالمحاوره
الله يعطيكــ العافيه ابوبيان
والله يرحم المحاوره بعدنواف