[يوسف الصامل]

حبيب العازمي

الشاعر اللي فيه سيما اهل الكرم والصالحين
وصاه ابوه وجده اللي وارثه وصا لحيـن




فلاح القرقاح

ياحبيّب الروقي بلشنا في الليالي والسنين
راح المفرج والمزرج والمصقل والسنين


حبيب العازمي


يابو محمد مامشينا فالدروب الا يمين
لاكن لاياخذك فاهل الزور لوم الايمين


فلاح القرقاح


دينٍ ما ينكر منكراتٍ محدثه ماهوب دين
البيع يا طير السعد عد وعدد ماهوب دين



حبيّب العازمي



يالله لاتفرح علي اهـل الحسـد والشامتيـن
ياهل الهوى وين الهنوف ام الوشم والشامتين



فلاح القرقاح

انتو وحنا طال عمرك كلنا مـن قالطيـن
منقال طين اهل البناء ياصاحبي منقال طين


حبيّب العازمي

انته وابن وسام سجلتوا هدف فالدورتين
التين فالبستان يارجلٍ تبا فالـدور تيـن


فلاح القرقاح

انا وابن عمي كفو والشارقـة ماهيـب عيـن
العين صارت خشم ياحبيّب وصار الخشم عين


حبيب العازمي

لوتحسب القسمه على المقسوم له والقاسمين
القاجمل والقاجزل والقاهـزل والقاسميـن


فلاح القرقاح


مافاد ابو شوشه لا ابو شارب ولا ابو شاربين
خلق الله بنعمة وخير ومـا كليـن وشاربيـن


حبيب العازمي


وين السيوف القاصمه ياصحبنا والمرت وين
الله خبير بحال من ماتو ظمـا والمرتويـن


فلاح القرقاح

انا ليا جارت علي الأيام قلت الله يعين
الرقية الشرعية تعالج لو العاين يعين


حبيّب العازمي

اللي يحب المرجلـه يبديلهـا والهـا يبيـن
وانته تعرف الصاملين امن العرب والها يبين




فلاح القرقاح

يقودنا لأهل المراجل والوفاء شوق وحنيـن
كلن يعرف اللي لا شال الحمل ما جاله حنين

الموضوع الأصلي: محاوره رائعه بين الشاعرين حبيب العازمي وفلاح القرقاح | | الكاتب: يوسف الصامل | | المصدر: شبكة بني عبس

[ابو بيان]

تسلم يوسف على نقل المحاوره وتقبل مرووري اخوك ابو بيان

[ناصر الخياري]

تسلم يابو نايف ..
طـاروق رائــعــ ..
لاعدمنـــاااك ياشيــــخـ ..

[ماهر]

طاروق غريب من شعراء مبدعين
اعتقد انه يسمى الشقر
مشكور يايوسف

[زعيم الشواعير]

اشهد بالله ان هذولاء الشعار اسم على مسمى ماشاء الله اكثر من 10 ابيات وكلهن شقر بيض الله وجهك يايوسف