[أنكسارحلم]

اخواني مشرفي واعضاء وزوار منتديات فارس بني عبس

اقدم لكم هذه المحاوره والتي جرت بين الشاعرين الكبيرين

الشاعر فيصل الرياحي والشاعر سعد ابن جدلان الاكلبي

وان شاء الله تنال على استحسانكم ورضاكم

__________________________

جـدلان :

باسم محمد ولد هيف العواجي راعي الشـآن=يا مرحبا هيل و الترحيب من فرش الكرامـه
تهرجوا يا النشاما في محل سنـان و عنـان=من عصر جدي حياة كليـب لا يـوم القيامـه

الرياحي :

و النعم فيكم و الكل له مقامـه يـا كحيـلان=مادام جدك كليب العـود مـا حولـك رخامـه
دام البقى لك و له و الطيبين أصحاب و اخوان=ترحيبتك تكفي الضيفـان يـا مـال السلامـه

جـدلان :

نبغى علومك بعد طول المغيبه يا بو سلطـان=من نجد و جبال نجد و من عسيـر و تهامـه
الواجب اللي من أسبابه ردود الفعل مـا زان=من دون حد الظفر و اطيب شوي من الرخامه

الرياحي :

آخر خبر طاحت الأسهم و خسر فلان و فـلان=إلا الهوامير ما خسروا و لا ساقـوا غرامـه
للخير ميدان معروف و بعـد للشـر ميـدان=و الظاهر انك سمعت العلم و الرجل و كلامـه

جـدلان :

العام لو سرحوا فيصل بمعزا عـودت ضـان=و اليوم حظ الرياحي بالغنـم مـدري علامـه
اشتل بشتك على ظهـر المعفـاه أم الأقشـان=على زهابـك بغـزلان الشـداد و بالمسامـه

الرياحي :

ما نيب راعي غنم راعي الغنم مثل بن جدلان=راعي الغنم لو يثور الهيج ما يربـط حزامـه
إليا ذكرنا سمان الهرج قلنا زيـن و سمـان=لكن ما دري عـلام الهـرج متغيّـر علامـه

جـدلان :

اللي بيبسـط شـراع الحـق للحـق ميـزان=قدام قصر السلام الصبح و قصـور اليمامـه
اطلع من الوضع برا و انت مثل الصبح لا بان=ما ضيق الصدر كود اهل اللغاوي و النمامـه

الرياحي :

يا بو محمد حصى الحره ترى ما هوب رمـان=الحق مثل الجمل لكن مـن يمسـك خطامـه
ياللي تعرض لعلم ما يخصـك ليـه زعـلان=و انا بقلك وش اللـي طـول رقبـة النعامـه

منقووووووووووووول

الموضوع الأصلي: (محاورة ابن جدلان والرياحي) | | الكاتب: أنكسارحلم | | المصدر: شبكة بني عبس

[فيصل الرشيدي]

لا هنت وتسلم عسى تسلم من الشر يمناك


بيض الله وجهك ابوخالد على المجهود الرائع

[أنكسارحلم]

الله لايهينك يافيصل على اطلاعك ومرورك


تحياتي

[ابوصالح]

الف شكر على نقل هذي المحاوره ارئعه

سلمت يمينك يابوخالد

[مبارك الشويلع]

الف شكر على نقل هذي المحاوره ارئعه

سلمت يمينك يابوخالد

[بندر الذيابي]

الله يعطيك العافيه يالغالي علي النقل


اختيار موفق



تحياتي


بندر

[مرضي الداموك]

الف شكريالمشرف الرائع

على نقل هذي المحاوره ارئعه

سلمت يمينك يابوخالد

تحياتي

[عبدالعزيز الخياري]

سلمت يمينك على النقل