__________________________

جـدلان :

باسم محمد ولد هيف العواجي راعي الشـآن=يا مرحبا هيل و الترحيب من فرش الكرامـه
تهرجوا يا النشاما في محل سنـان و عنـان=من عصر جدي حياة كليـب لا يـوم القيامـه

و النعم فيكم و الكل له مقامـه يـا كحيـلان=مادام جدك كليب العـود مـا حولـك رخامـه
دام البقى لك و له و الطيبين أصحاب و اخوان=ترحيبتك تكفي الضيفـان يـا مـال السلامـه

نبغى علومك بعد طول المغيبه يا بو سلطـان=من نجد و جبال نجد و من عسيـر و تهامـه
الواجب اللي من أسبابه ردود الفعل مـا زان=من دون حد الظفر و اطيب شوي من الرخامه

آخر خبر طاحت الأسهم و خسر فلان و فـلان=إلا الهوامير ما خسروا و لا ساقـوا غرامـه
للخير ميدان معروف و بعـد للشـر ميـدان=و الظاهر انك سمعت العلم و الرجل و كلامـه

العام لو سرحوا فيصل بمعزا عـودت ضـان=و اليوم حظ الرياحي بالغنـم مـدري علامـه
اشتل بشتك على ظهـر المعفـاه أم الأقشـان=على زهابـك بغـزلان الشـداد و بالمسامـه

ما نيب راعي غنم راعي الغنم مثل بن جدلان=راعي الغنم لو يثور الهيج ما يربـط حزامـه
إليا ذكرنا سمان الهرج قلنا زيـن و سمـان=لكن ما دري عـلام الهـرج متغيّـر علامـه

اللي بيبسـط شـراع الحـق للحـق ميـزان=قدام قصر السلام الصبح و قصـور اليمامـه
اطلع من الوضع برا و انت مثل الصبح لا بان=ما ضيق الصدر كود اهل اللغاوي و النمامـه

يا بو محمد حصى الحره ترى ما هوب رمـان=الحق مثل الجمل لكن مـن يمسـك خطامـه
ياللي تعرض لعلم ما يخصـك ليـه زعـلان=و انا بقلك وش اللـي طـول رقبـة النعامـه