[الاجهر]

ياكثر ماقلت ابسوي وابسوي*****ولافي شي من اللي قلت سويته


راحت حياتي وانا أطري وأنا أنوي *****واللي بغيته نسيته يوم خليته


انا أحسب إني صغير وبالعمر توي *****لاشك شيبت وأحلى العمر عديته


ياليتني ياحمد يومه صفا جوي *****هاك الزمان ياشريف البيت خاويته


ياكثر ماقلت ابسوي وابسوي*****ولافي شي من اللي قلت سويته
الشاع الكبير / حمود البغيلي الرشيدي



مجاراه للقصيده .....قال الشاعر مطلق الدخنان

شبيت راس الفتيل وولعت ضوي*****ودولاب فكري لوقت فات رديته


أفل الأفكار وسط الراس واطوي*****بجاري الشاعر اللي شايع صيته


الشاعر اللي تلاقا نوه ونوي*****هيضني الله يرحم حيه وميته


تقول يقرأ من الأفكار ويروي*****أ شوف كني أنا اللي قايل بيته


ياحمود شد العزم عسي الله يقوي*****عزمك على هالزمان اللي تمنيته


ماتنفعك ياالبغيلي قولتك لوي*****قصرت في ذاك والا ذاك مديته


العمرمثل الزهر له يوم ويذوي*****ولو طال عمر الفتى للموت تاليته

الموضوع الأصلي: ياكثر ماقلت ابسوي وابسوي | | الكاتب: الاجهر | | المصدر: شبكة بني عبس

[سحايب]

ياكثر ماقلت ابسوي وابسوي*****ولافي شي من اللي قلت سويته

صح الســـــــانك مليون ولايكفون وبيض الله وجهك
قصيده رائعه وحس شعري راقي
يعطيك العافي منتظرين منك الجديد فلاتبخل علينا
بجديدك

[بوتفليقه]

قصيده مشهوره ورد جميل
لاهنت يالاجهر

[العريض]

نقل رااااائع لمتذوق راقي

صح لسان الشاعر لاهنت ابو سعود ع النقل الجميل

[مذكر الرشيدي]

قصيده رائعه وشهيره

ومجاراه تروق لها الاذهان


صح لسان مطلق الدخنان

ولا هنت على النقل

[آلنجم]

ياكثر ماقلت ابسوي وابسوي*****ولافي شي من اللي قلت سويته

صح الســـــــانك مليون ولايكفون وبيض الله وجهك
قصيده رائعه وحس شعري راقي
يعطيك العافي منتظرين منك الجديد فلاتبخل علينا
بجديدك

[الاجهر]

اشكركم جميعا على المرور والكلمات الرائعه

[أبو سليّم]

اقتباس من مشاركة الاجهر ياكثر ماقلت ابسوي وابسوي*****ولافي شي من اللي قلت سويته راحت حياتي وانا أطري وأنا أنوي *****واللي بغيته نسيته يوم خليته انا أحسب إني صغير وبالعمر توي *****لاشك شيبت وأحلى العمر عديته ياليتني ياحمد يومه صفا جوي *****هاك الزمان ياشريف البيت خاويته ياكثر ماقلت ابسوي وابسوي*****ولافي شي من اللي قلت سويته مجاراه للقصيده .....قال الشاعر مطلق الدخنان شبيت راس الفتيل وولعت ضوي*****ودولاب فكري لوقت فات رديته أفل الأفكار وسط الراس واطوي*****بجاري الشاعر اللي شايع صيته الشاعر اللي تلاقا نوه ونوي*****هيضني الله يرحم حيه وميته تقول يقرأ من الأفكار ويروي*****أ شوف كني أنا اللي قايل بيته ياحمود شد العزم عسي الله يقوي*****عزمك على هالزمان اللي تمنيته ماتنفعك ياالبغيلي قولتك لوي*****قصرت في ذاك والا ذاك مديته العمرمثل الزهر له يوم ويذوي*****ولو طال عمر الفتى للموت تاليته

يعطيك ربي الف عافيه

تحياتي لك