[عبدالله الراشد]

يابعد عمري انا خايف علـي عمـري=وماشوف غيرك يطمني علي اخباري
جيت بشعور غريب وضايق صـدري=وعندي حكي لو نطقتة يجرح وقاري
جيتك من الشوق..ابعزف للقـا وتـري=جيتك وغنّي لحن شوقك ..علي اوتاري
فيني من الحب مال الغصـن للقمـري=وفيني من الغيرة اللي تتعـب افكـاري
فيني من الحب رعشة..رمدت جمـري=وفيني من الخوف ..رعدة رمدت ناري
فيني شقاوة صباح .. ولون من فجري=فيني ظـلام الليـال ورهبـة السـاري
وانا وربـي احبك..وابصـم بعشـري=وانتي قدر مختلف واجد .. عن اقـداري
انتي مدي الحب..وانتي سالفة شعـري=انتي علي صوتك ابدع باجمل اشعاري
ياأعذب انسانةِ مـرت علـي عصـري=انتي طريقي لو انة طـال مشـوااري
ياكثر ماتوحشيني .. والتـزم صبـري=ياكثر في وقتهـا الغلطـات واعـذاري
من شانك اصبحت مثل المرسم المبري=من شان اموت ماوصي على ثاري
حرثت قلبـي ..اببـذر حبـك المغـري=وزرعت فيك الثقة واسقيتها اسـراري
ابوعـدك ياحياتـي وانتـي انتظـري=ونذرِ عليّه... لغيرك ملفت انظـاااري
انا ادري انك مثل مانتي علـي خبـري=عينك لمزني ..وبارضك هلت امطاري
وانا من الخوف لاأدري.. ولامدري=ولاتسأليني..انا مـدري وش الطـاري
انا كذا صرت ..احس بكـل مايطـري=صرت آتوقع يميني.. تبغـض يسـاري
حتي جروحك اطالعها ماقـول ابـري=احتاجهـا بالفـراق تصيـر تذكـاري
وانا دخيلك قبـل ماوادعـك واسـري=لاروح غلطة زمن ؟؟ ويقل مقـداري

23232

الموضوع الأصلي: ياكثر ماتوحشيني .. والتـزم صبـري.......... ياكثر في وقتهـا الغلطـات واعـذاري | | الكاتب: عبدالله الراشد | | المصدر: شبكة بني عبس

[خالد العويمري]

يعطيك العافيه على القصيده الرائعه
تحياتى وتقديرى

[مسندالعويمري]

وانـا دخيلـك قبـل مـاوادعـك واســري=لاروح غلطة زمـن ؟؟ ويقـل مقـداري

قصيدة لاتكمل روعتها الا بحضور ك ايها الشاعر الرائع


ابياتها تعبر عن اشياء لايعلمها الكثير

واشياء معروفه لدى الكثير

عبدالله الراشد

الى الامام وبالتوفيق وسجل اعجابي بشخصك الكريم

[مـآجـد]

وانـا دخيلـك قبـل مـاوادعـك واســري *** لاروح غلطة زمـن ؟؟ ويقـل مقـداري



ابداع يفوق كل الابداعات

دمت مبدعاً اخي عبدالله والى الامام ان شاء الله

سجل اعجابي الشديد بشخصك الرائع

تحيــآتــي
4774

[ابواثنين]

صح اللسانك اخي الشاعر عبدالله الراشد
قصيده جزله من شاعر جزل

[نواري]

صح لسانك عبدالله
قصيدة رووووعة
الله لا يحرمنا من جديدك

[الخرينج]

صح لسانك :)
قصيدة جميلة ... ;)
يا عبدالله الراشد ...

[الهنوف]

صح لسانك

قصيدة جميلة

يعطيك العافية ووفقك الله

دمت بخير
أختك الهنوف