[مختار الرشيدي]

طويت صفحة ذكرياتي بنسيان
طويتها بدموع حزن و نكيده

ومن غبنتي احرقت فيها بنيران
وفتحت لي صفحه بعدها جديده

جربت انا الدنيا على كل جيهان
كلن حسب فكره برايه سديده

الناس فرق طبوع والبيت سيسان
و كلن تبي نفسه على ماتريده

احدن سديد الراي في كل نطقان
فهيم فكر و كل علمن يجيده

واحدن عما راين ولو فيه نصحان
و رايه بليا الناس ماله مفيده

واحدن عطاه الله وحكمه باللسان
لوكان يجهل بالعلوم الوكيده

واحدن حداه النطق لو معه عرفان
وطالع على كل الدروب الحميده

الله خلق مابينهم فيه فرقان
من بينهم تفرق فروقن عديده

واشوف به ناسن شفايه بشفقان
تشفق على كشف الرجل في رصيده

وتحكم على غير البصيره بالاعيان
ودروبهم عن عرف طيبه بعيده

لهم من النظرات جهله وحقران
صارت له السمعه حياتن سعيده

يبغى ذراء اللي له جماعه وعربان
ماكنه الا شجرتن في وريده

واسلوبهم تلقا بها اشكال والوان
للناس طبع و للمعالي جديده

تغره الافكار في كل الاحيان
بليد عقل و كل حاله بليده


ماقلتها شفقان والا على شان
لا و الذي حنا خلقنا عبيده

لا ماقصرنا عن مراجل بنقصان
لكن تشوف العين نظره مكيده

وانا الذي دربي طويته برفعان
ولاهدني طوي الدروب البعيده

انظر لقدامي على العز هيمان
ولا عاقني ضيم الليال البليده

يانفس خوذي كلمتي باالترجمان
توبي عن الزلات هون وشديده

للي على رد الحسينه بالاحسان
اللي ترى رضاته حياتن سعيده

الموضوع الأصلي: طويت صفحة ذكرياتي | | الكاتب: مختار الرشيدي | | المصدر: شبكة بني عبس

[احمد سبيتان]

صح لسانك شاعر جزل وجميل لاتحرمنا جديدك

[عبدالله معزي]

صح لسانك
قصيده رائعه
اتنى لك التوفيق
تقبل مروري

[دلع العطاوي]

يسلم منطوقك-صح لسانك مليون ولايكفون

[مختار الرشيدي]

صح ابدانكم لاهنتم ومروركم افتخر فيه

[غـــلاءنـــجـد]

قصيده روعه تسلم الايادي

[مختار الرشيدي]

صح بدنك ولاهنتي على المرور

[سند الداموك]

روعة يامختار