قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   طويت صفحة ذكرياتي (http://ban3abs.com/aa/showthread.php?t=96896)

مختار الرشيدي 21-01-2011 01:52 AM

طويت صفحة ذكرياتي
 
طويت صفحة ذكرياتي بنسيان
طويتها بدموع حزن و نكيده

ومن غبنتي احرقت فيها بنيران
وفتحت لي صفحه بعدها جديده

جربت انا الدنيا على كل جيهان
كلن حسب فكره برايه سديده

الناس فرق طبوع والبيت سيسان
و كلن تبي نفسه على ماتريده

احدن سديد الراي في كل نطقان
فهيم فكر و كل علمن يجيده

واحدن عما راين ولو فيه نصحان
و رايه بليا الناس ماله مفيده

واحدن عطاه الله وحكمه باللسان
لوكان يجهل بالعلوم الوكيده

واحدن حداه النطق لو معه عرفان
وطالع على كل الدروب الحميده

الله خلق مابينهم فيه فرقان
من بينهم تفرق فروقن عديده

واشوف به ناسن شفايه بشفقان
تشفق على كشف الرجل في رصيده

وتحكم على غير البصيره بالاعيان
ودروبهم عن عرف طيبه بعيده

لهم من النظرات جهله وحقران
صارت له السمعه حياتن سعيده

يبغى ذراء اللي له جماعه وعربان
ماكنه الا شجرتن في وريده

واسلوبهم تلقا بها اشكال والوان
للناس طبع و للمعالي جديده

تغره الافكار في كل الاحيان
بليد عقل و كل حاله بليده


ماقلتها شفقان والا على شان
لا و الذي حنا خلقنا عبيده

لا ماقصرنا عن مراجل بنقصان
لكن تشوف العين نظره مكيده

وانا الذي دربي طويته برفعان
ولاهدني طوي الدروب البعيده

انظر لقدامي على العز هيمان
ولا عاقني ضيم الليال البليده

يانفس خوذي كلمتي باالترجمان
توبي عن الزلات هون وشديده

للي على رد الحسينه بالاحسان
اللي ترى رضاته حياتن سعيده

احمد سبيتان 21-01-2011 02:37 AM

صح لسانك شاعر جزل وجميل لاتحرمنا جديدك

عبدالله معزي 21-01-2011 12:01 PM

صح لسانك
قصيده رائعه
اتنى لك التوفيق
تقبل مروري

دلع العطاوي 21-01-2011 12:57 PM

يسلم منطوقك-صح لسانك مليون ولايكفون

مختار الرشيدي 21-01-2011 03:29 PM

صح ابدانكم لاهنتم ومروركم افتخر فيه

غـــلاءنـــجـد 21-01-2011 06:20 PM

قصيده روعه تسلم الايادي

مختار الرشيدي 22-01-2011 11:18 AM

صح بدنك ولاهنتي على المرور

سند الداموك 22-01-2011 01:20 PM

روعة يامختار


الساعة الآن +4: 07:41 PM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص