[فيصل الرشيدي]

اخواني مشرفي واعضاء منتديات فارس بني عبس

اقدم بين ايديكم هذه القصيده المتواضعه

امل ان تنال على استحسانكم ورضاكم


قصيدة للشـــاعر المــتـــألق الـمـبــدع دومــا

أخي الشاعر ناصر الشويلعي

شاعر بن شويلع


تقول القصيدة::

حنا بني عبس حاضرنا وماضينا = هذا أصلنا وفصلنا ياناشدن عنا
نعلم الجاهل اللي جاهلن فينا = وألا الرجاجيل تعرفنا وتزبنا
يا طيبنا للخوي اللي يخاوينا = عز الله انا نعده واحد منا
وللضيف والجار بامر الله كريمنا = ودخيلنا عن سموم الغدر يامنا
ناقف ونافي مع رجال تصافينا = طبيعتن طيبها من طيب معدنا
هذي طبيعه ورثناها من أهالينا = من يوم كانوا وحنا بعدهم كنا
وان عودت للفعل سقم المعادينا = عدونا يموت في دنياه ماتهنا
فعول ماهي خيال إلها براهينا = بين القبايل فعايلنا يكفنا
وان قمت ابا اجمع عددها بالدواوينا = يطول مشوارها ويكفيك من حنا
واليوم في ظل حكامٍ سلاطينا = ألهم علينا الولاء ونموت ماخنا

الموضوع الأصلي: بنـــــي عبــس للشاعر ناصر الشويلعي | | الكاتب: فيصل الرشيدي | | المصدر: شبكة بني عبس

[سعد الرشيدي]

وان عودت للفعل سقـم المعادينـا عدونا يموت فـي دنيـاه ماتهنـا فعول ماهي خيـال إلهـا براهينـا بيـن القبايـل فعايلـنـا يكفـنـا وان قمت ابا اجمع عددها بالدواوينا يطول مشوارها ويكفيك مـن حنـا

تسلم يمينك يافيصل

وصح اللسان الشاعر

ناصر الشويلعي

على هذه القصيده الرائعه

وبيض الله وجهه ولا تحرمنا من مثل هذه القصائد

التي ترفع الراس

اخوك سعد

[أنكسارحلم]

فيصل ابن شويلع

اشكرك من اعماق قلبي على اهتمامك ومتابعتك لقصائدي

القديمه والجديده وبيض الله وجهك وكثر الله من امثالك



تحياتي

[بدر نوران]

.
.

صح لساااان الشاعر ولاهنت يمين الناقل


.
.


مودتي


.

[مبارك الشويلع]

صح الله لسانك يالغالي ولسان قايلها


ولاهنت على هذا الابدااااع


ننتظر المزيد

[فيصل الرشيدي]

اخوي سعد

اخوي بدر

اخوي ابوعبدالله


الله يعطيكم العافية على المرور



ناصر الشويلعي

اكبر شرف لي ولذاكرتي
هو انني احفظ واردد قصائدك التي لا امل منها والتي افخر بها

لأنها تحمل أسم (شاعر بن شويلع)

الى الامام والله الموفق

[الســـامري]

مشكور اخوي ناصــــــــــــــــر على القصيده الرائعه والكلمات القويه بمعنى الكلمه ويعطيك العافيه وللأمام انشالله

وللضيف والجار بامر الله كريمنا = ودخيلنا عن سموم الغدر يامنا
ناقف ونافي مع رجال تصافينا = طبيعتن طيبها من طيب معدنا
هذي طبيعه ورثناها من أهالينا = من يوم كانوا وحنا بعدهم كنا
وان عودت للفعل سقم المعادينا = عدونا يموت في دنياه ماتهنا




الســــــــــــــــــــــــــــامري

[بندر الذيابي]

صح لسااااااااان العملاق المتالق الشاعر ناصر


ولا هنت علي النقل اخوي سيف عنتر


تحياتي


بندر