[الاجهر]

هات القلم وكتب من الراس نبرات = وكتب تحياتي وثيت على اللوح
لاتكتب الأ لارقينا الطويلات= في مهمهن يصعب على كل مشفوح
ارق العسيرة لاتهاب العسيرات = وان حاش موترنا من الضلع مسموح
والياجلسناء في عزيز المنيفات= ونشوف من يلفى على الضلع بوضوح
حضرلي البراد والبن والشات= لو الهواء تموحناء بالجبل موح
وشب الحطب وسمع علوم(ن) صحيحات = لاتوقد لأ من حطب شجرة الدوح
اثر الخلاء يبري جروح(ن) قديمات = ويفضفض هموم(ن) على الراس والشوح
وكتب سلامي لابو خالد تحيات = واثن السلام وسطرة واقصر النوح
ناصر خبير(ن) في بحور(ن) عميقات= يعجبك في كل المواقيف طحطوح
صحيح مالي في المقادير حيلات = ولأني من الى لأ قسى وقته أيبوح
اناء من الى يرتكي للصعيبات = والعزم بالله لو لواهيبي تفوح
صبرت واثر الصبر يعطيك نفحات = من ربك الى عارف(ن) وش وراء نوح
طالت بي الغربة وقطع المسافات = والدار قفراء والوطن ماش مصلوح
يالله يامنشي مزون(ن) ثقيلات = ياجاعل البراق بالارض له ضوح
انك ترد لروس هاك الشغيات = من ماطر(ن) يشفي ضماء كل مجروح

الاجهر

الموضوع الأصلي: قصيدة من الاجهر للشاعر / ناصر الشويلعي | | الكاتب: الاجهر | | المصدر: شبكة بني عبس

[ابواثنين]

اثر الخلاء يبـري جـروح(ن) قديمـات=ويفضفض هموم(ن) على الراس والشوح

صح اللسانك اخي الاجهر
وبانتظار رد ابوخالد

[أنكسارحلم]

بيض الله وجهك يابو سعود على هذه القصيده الجميله

والله يقدرني على الرد عليها انتظر الرد عن قريب


حياتي

[فيصل الرشيدي]

طالـت بـي الغربـة وقطـع المسافـات=والدار قفراء والوطـن مـاش مصلـوح

الله اللله عليك ياالاجهر

مبدع مبدع بمعنى الكلمة

صح لسااااااااانك على الجزله من الراس الجزل

وبانتظار رد ابوخالد

ولا تحرمنا جديدك

[الاجهر]

اقتباس من مشاركة ابواثنين اثر الخلاء يبـري جـروح(ن) قديمـات=ويفضفض هموم(ن) على الراس والشوح صح اللسانك اخي الاجهر وبانتظار رد ابوخالد

صح بدنك
بيض الله وجهك واشكر مرورك

[مسندالعويمري]

صح لسااااااااانك على الجزله من الراس الجزل

وبانتظار رد ابوخالد

[الاجهر]

الاخ / ناصر اشكر مرورك وبانتظار الرد

[سعد الرشيدي]

وشب الحطب وسمع علوم(ن) صحيحات لاتوقد لأ مـن حطـب شجـرة الـدوح اثر الخلاء يبـري جـروح(ن) قديمـات ويفضفض هموم(ن) على الراس والشوح

الاجهر

صح اللسانك قصيدة رائعه

ومعاني جميلة وابو خالد يستاهل

وننتظر رده

اخوك سعد