[عياده العجوني]

بسم الله الرحمن الرحيم

قصيده مسندة الى الشاعر /سلطان رجاء الشمري . من الشاعر / عياده بن محمد العجوني الرشيدي

هاض الضمير وصار للشعر عنوان= واستحضر الخاطر وحضر قصيدي
مشاعر الشاعر على قلب وللسان=يدفع لها قلبي بمجرى وريدي
وانا بحر شعري له اشكال والوان= يزيد في صدري وشعري يزيدي
وشاطي بحر شعري رسم غربة انسان = وسفينة احلامي مداها بعيدي
رحلة تجارب كلها خوف واحزان= نهايتي فيها بداية جديدي
فيها غرام احباب واعداء وصدقان= ولها نزيل قلوب ولها شديدي
ودخلت في كل المراحل على شان= اروي ضماء قلب العنى واستفيدي
وطلعت ظامي من دخول وتعبان= انقل خطر روحي لروحي وبيدي
والواقع التايه مثل كان ماكان=دنيا ما تملكها بمان ورصيدي
دنيا شقا والموت ما دونه امان= ترحل بك ايامك لحالك وحيدي
لا درهمً ينفع ولا فلان وفلان= انت ونصيبك بالنهار الزهيدي
الله يامن من مقادير الازمان= والله قادر فاعلاً مايردي
والعرف عنوان المعرفه يا سلطان= وانت محسوب بعرفنا يالسويدي
ولاهو عن اهل العرف قصراً وحقران= كلاً على عرفه ورايه سديدي
وغيري وغيرك له تجارب وبرهان = متعلمً فيها الشقي والسعيدي
وتحيتي تاصلك من غير نقصان= يالشمري هذا كلام الرشيدي

الموضوع الأصلي: يالشمري هذا كلام الرشيدي | | الكاتب: عياده العجوني | | المصدر: شبكة بني عبس

[النجم]

صح اللسانك وبيض الله وجهك يالشاعر المبدع قصيده تحستحق التقييم والوقفه

[فيصل الرشيدي]

وتحيتي تاصلك مـن غيـر نقصـان=
يالشمـري هـذا كـلام الرشـيـدي=

صح لسااااااااااااااانك واعتلا شانك وبيض الله وجهك على هذي القصيدة الجزلة

[أنكسارحلم]

صح السانك اخوي عياده

على هذا الابداع الرائع في معنا الكلمه

قصيده تستحق الاشاده وتمعن في معانيها


وكل عام وانت بخير

[بدر الحشية]

صح اللسانك وبيض الله وجهك

[صادق الوعد]

صح السانك وبيض الله وجهك على القصيده الرائعه

[ابو براك الرياض]

الف شكر على النقل الرائع والجميل

[ابوجن]

صح لسانك ولاهنت