[النمر1012]

يا وسيع البـال .. ضيقـت الصـدور
.......................رحت ما علمتني وين انـت سـاري؟


في غيابك.. مـا لخلـق الله حضـور
.......................وفي حضورك.. ما لهم بالبال طـاري


ليـه مـا تختـال يـا بـدر البـدور
.......................و القصايد لك وصيفـات و جـواري


لـك بنـات الفكـر ربـات الخـدور
.......................يكشفن الثامهـن.. و الجـرح عـاري


جعل قلب مـا مـلاه الصـدق نـور
.......................عند وجه اريح.. مـا يلقـى مـزاري


التغاضـي عجـز لا طـال القصـور
.......................ليه أداري؟.. و انت عني منت داري؟؟


الزمـان قصيـر .. والدنيـا تــدور
.......................كل يوم يضيـق فـي عينـي مـداري


صاحبي محتاج لـك شعـر و شعـور
.......................و إحتياجي شي.. ما كـان إختيـاري


من متى و الغصـن يختـار الطيـور
.......................من متى و البـال يختـار الطـواري؟


لا تسمي صمتـي البـارح .. غـرور
.......................إنكساري خلف هالصمـت امتـواري


في غياب الشمس وش ذنـب الزهـور
.......................و المطر لا شح وش ذنب الصحـاري؟


اللقـا لحظـات و الغيـبـه شـهـور
.......................تقصر الخطوات و يطـول انتظـاري


لو قريـت المنكتـب بيـن السطـور
.......................ما كتبـت لغلطـة العمـر اعتـذاري


صمت هالمينا.. مثل صمـت القبـور
.......................ما رسى مركب.. ولا لاحت صواري
متعب التركي منقوله من مشاركه همسه غلا
2؟3 2008

الموضوع الأصلي: قصيده متعب التركي | | الكاتب: النمر1012 | | المصدر: شبكة بني عبس

[الـرونـق]

صح لسانه

وتسلم على النقل الموفق

[رواية]

متعب التركي شاعر رائع متمكن رغم أن أغلب قصائده مصبوغه بلون الحزن
شكرا لك أخي

[مرزوق العجوني]

صح لساااان شاعرها ولا هنت على النقل اخوي وتقبل ودي وتقديري

[ذبحني غروركـ]

صح لسسسسسسسآن الششششآع ـر
طرح قم ـــه في الروووع ـــه
لاع ـدم يارب
تح ــيـآآآتتتتتي

[نايف بن شميلان]

صح لسان الشاعر متعب التركي






وشكراااااااااا لك على النقل الرائع وحسن الاختيار

[النمر1012]

مشكورين علي المرورررررررر الله يسعدكم كل بيض الله وجيهكم