[المغرم اليائس]

انقل هذه القصيدة اليكم وانا التزم بالصمت احتراما لها,,

واتمنى ان تبحرووون معها 00

ليل هاك الجدايل طال مسـراه=بين تفسير حلـم وبيـن امانـي
يوم حد الغلا قلبي على أقصـاه=شرع القلـب بيبـان المحانـي
مارماني ولكـن قلبـي أدمـاه=عاد وشلون لامنه رمانـي ..؟
لانقض ليـل مجدولـه وخـلاه=قلت وش هالظلام اللي غشاني
لو يمر البحر شاطـي شفايـاه=صار بحر الخليج فرات ثانـي
وين ابلقاه مدري ويـن ابلقـاه=دامـه بكـل ذره فـي كيانـي
ادري انه نسى الموعد ولاجـاه=بـس ليتـه نسـاه ولانسانـي
لو عيونه بحرهن ماركـد مـاه=شط الاهداب صار اجمل مواني
يكفي انه حفظ شعـري وغنـاه=وابتسملي وقال : ادري عشاني
كل ماترتسم بسمه علـى شفـاه=اشعر انـه يجاملنـي زمانـي
ايه احبه واحب اسمه وطريـاه=يوم اخذ دم قلبي وش عطاني ؟
غاب وان شفت نفسي قادر انساه=قلت ربي كتب لي عمـر ثانـي

الموضوع الأصلي: متعب التركي وليل هاك الجدايل00 | | الكاتب: المغرم اليائس | | المصدر: شبكة بني عبس

[صاطي الرشيدي]

يعطيك العافية يالمغرم اليائس وصح لسان الشاعر وقصيدة جميلة

[نايف العليان]

جزله
بيض الله وجهك

تقبل تحيتي

[مرضي الداموك]

مارماني ولكن قلبي أدماه
عاد وشلون لامنه رماني ..؟


المغرم اليائس


صح لسان الشاعرالرائع متعب التركي

وسلمت أنامل المبدع والرائع المغرم اليائس

ألف شكر لك على الاختيار

تقبل تحية أخوك.
مرضي الداموك

[عبدالعزيز الخياري]

سلمت على النقل حسن الاختيار

وصح لسان الشاعر متعب التركي

[امير الحرف]

لو عيونه بحرهن ماركد ماه - شط الاهداب صار اجمل مواني

ممتاز مع الشكروالتقدير والاحترام يامغرم
اكيد التركي غير
هذه القصائد التي تسمى قصائد