[يجيني طاريك]

السلام عليكم ورحمة الله وبركاته :ــ
كل عام وانتم بخير
ومن العائدين الفائزين...
قصيدتي أهديها لكم وأعتبرها بطاقة معايده بيني وبينكم متمنيآ أن تنال أعجابكم ..

وين أنت ياللي كل ماقرب الليل=يلفي خيالك وأسهرك للصباحي
مل الخفوق ومل شوق المواصيل=وينك؟ تعبت وهاجسي ماأستراحي
أسأل عليك الليل وأقول ياليل=متى تجيب اللي يضمد جراحي
من النكد ومن القلق والغرابيل=لاني بمجنون (ن) ولاني بصاحي
تعبت واتعبني ولاعاد بي حيل=لكن تعب تفكير لاتقول طاحي
ياليل قبل تروح قله بتفصيل=عليه وجه الله يطلق سراحي
قله يجي يروي عروق مماحيل=واغفر له اللي صار وأقول راحي
واذا يعاندني عناد المهابيل=والله لأهبل فيه لو كان صاحي
واني لأسوي فيه كل التهاويل=واقول له هذا من ابسط مزاحي
واعطيه أمل واحسسه بالمقابيل=من العطش يشرب هماج وملاحي
واليا نشف دمه وذوقته الويل=وضيقت صدره من جميع النواحي
وخبلت فيه وصار ضمن المخابيل=تركته لحاله كسير الجناحي
ماله سوى بالليل غير المواويل=يشمت بنفسه عقب ماكان صاحي
واللي زرع له شوك يجني المحاصيل=ومن يقطف الازهار له عطر فاحي

وسلامتكم,,,
بقلمــ يجيني طاريك ـــي

الموضوع الأصلي: وين أنت ياللي كل ماقرب الليل | | الكاتب: يجيني طاريك | | المصدر: شبكة بني عبس

[النمر1012]

صح اللسانك والله يسلمك والروعه القصيده وفعلا

واذا يعاندنـي عـنـاد المهابـيـلوالله لأهبل فيه لـو كـان صاحـي

واني لأسـوي فيـه كـل التهاويـلواقول له هذا مـن ابسـط مزاحـي

واعطيه أمـل واحسسـه بالمقابيـلمن العطش يشرب هماج وملاحـي

وتقبل مروري

[لابتي وافتخر]

واعطيه أمـل واحسسـه بالمقابيـلمن العطش يشرب هماج وملاحـي

واليا نشـف دمـه وذوقتـه الويـلوضيقت صدره من جميع النواحـي

صح لساااااانك يجيني طاريك ~

[نواف بن مفضي]

صح السانك ويش فرق الهماج من المالح يطيب