[مهل الرويضي]

السلام عليكم ورحمة الله وبركاته



اخواني اعضاء شبكة بني عبس الكرام

جديد تشرفت بالمشاركه به بأحتفال ضباط قبيلتي الخريجين

بحجم الحب والولاء والعطاء

( شكراً ) بأسمكم جميعاً

لمقام سيدي خادم الحرمين الشريفين الملك / عبدالله بن عبدالعزيز آل سعود ( حفظه الله )

بمناسبة الذكرى الرابعه لتوليه عرش زعامة المملكه العربيه السعوديه ادام الله امنها واستقرارها

من قهد حرة بني عبس وابيظها حدرت = للرياض اللي تنادي وانا لبيتها
صوتها جاني قبل فكة الريق وحظرت = دعوةً فكيت ريقي على توقيتها
اعذروني .. لاسبحت البحر طول وعبرت = لنها عاده قديمه ولا خليتها
خادم البيتين شكراً .. ويومني شكرت = فعرف اني عن قبايل وقلبك بيتها
ياذرى الدار وجبلها بذكر اسمك فخرت = والتحيه لك قبل مايلي بديتها
عسكري لعيون داري تنبهت وسهرت = في ذراكم كل ماترتعب ذريتها
سيدي بسمي واسم عبس بايعت ونذرت = بالولاء للأرض وملوكها واليتها
للأمن والخير فيها شكرت ولانكرت = حافظٍ عهدي لأمي ولا عقيتها
لين صارت دار وحده بها عشت وكبرت = افتخر برياضها وافتخرت بصيتها
وافتخر في لابتي عبس وبهذي جهرت = كلمةً للحق ياسيدي وابديتها
ليه ؟ لني ماتجاوزت حد ولاكفرت = ولنها منكم وفيكم لكم كمبليتها
ولنها درع لوطنا ذكرت او ماذكرت = ديرةٍ جل اهتمام البياض اوليتها
سيدي شكراً على مابذلت وماامرت = والرحاب الفيصليه معك حييتها
ياوطنا .. حق لك تفخر ليا مني ذكرت = الرجال اللي تلبي لياناديتها
والله اني كل ماصافح فجوجك عذرت = ربعي اللي حيها فيك يغبط ميتها
ياوطن ستة بيارق على ترابك بذرت = بالعرق والدم حسب الاصول اسقيتها
احصد السته .. ملايين .. والله ماذخرت = لو يدي تعصاني بواجبك قصيتها

الموضوع الأصلي: شكراً لــ / خادم الحرمين الشريفين | | الكاتب: مهل الرويضي | | المصدر: شبكة بني عبس

[أنكسارحلم]

صح السانك على القصيده
لكن راع الفضل يتحرى رد الجميل منك
بعد اربع سنوات مضت لاكلام ولاسلام حتى المراسيل وصلتك منه
لكن على مقال المثل الحي من الحي قريب
وشكرا

[شهاليل]

شاعرنا القدير ".. مهل الرويضي .."
صح لساانك مدد بلاعدد
قصيده جزله من شاعر جزل
*
*

[خالد الذيابي]

صح لسان ابو لميا

قصيدة من روائع الشعر

وملحمة بطوليه تجسدها خلال هذه الابيات

شكرا لك ولحضورك المتجدد دائما
والمتدفق ابداعا

[برق الوسم]

شاعرنا مهل الرويضي
صح لسانك قصيده رائعه
الله يحفظ لنا ابو متعب وارض ابو متعب
اسمح لي بتثبيت الموضوع
تقبل مروري

[عبد العزيز]

صح لسانك وبيض الله وجهك

يستاهل ابو متعب

[بدر بن محمد]

صح اللسااااااااانك ياشاعر/مهل الرويضي
وبيض الله وجهك ولاهنت ومافيك حيله
والله يعطيك العاااااااااااااااااااافيه
ودمتم بالف خيرررررررر

[ابوديما]

شاعرنا المتألق مهل الرويضي
الله يعطيك العافيه على هالابداع الرائع
قصيده جزله
صح لسانك ملايين
والله يحفظ ملكنا

تقبل تحياتي