من قهد حرة بني عبس وابيظها حدرت = للرياض اللي تنادي وانا لبيتها
صوتها جاني قبل فكة الريق وحظرت = دعوةً فكيت ريقي على توقيتها
اعذروني .. لاسبحت البحر طول وعبرت = لنها عاده قديمه ولا خليتها
خادم البيتين شكراً .. ويومني شكرت = فعرف اني عن قبايل وقلبك بيتها
ياذرى الدار وجبلها بذكر اسمك فخرت = والتحيه لك قبل مايلي بديتها
عسكري لعيون داري تنبهت وسهرت = في ذراكم كل ماترتعب ذريتها
سيدي بسمي واسم عبس بايعت ونذرت = بالولاء للأرض وملوكها واليتها
للأمن والخير فيها شكرت ولانكرت = حافظٍ عهدي لأمي ولا عقيتها
لين صارت دار وحده بها عشت وكبرت = افتخر برياضها وافتخرت بصيتها
وافتخر في لابتي عبس وبهذي جهرت = كلمةً للحق ياسيدي وابديتها
ليه ؟ لني ماتجاوزت حد ولاكفرت = ولنها منكم وفيكم لكم كمبليتها
ولنها درع لوطنا ذكرت او ماذكرت = ديرةٍ جل اهتمام البياض اوليتها
سيدي شكراً على مابذلت وماامرت = والرحاب الفيصليه معك حييتها
ياوطنا .. حق لك تفخر ليا مني ذكرت = الرجال اللي تلبي لياناديتها
والله اني كل ماصافح فجوجك عذرت = ربعي اللي حيها فيك يغبط ميتها
ياوطن ستة بيارق على ترابك بذرت = بالعرق والدم حسب الاصول اسقيتها
احصد السته .. ملايين .. والله ماذخرت = لو يدي تعصاني بواجبك قصيتها

شاعرنا المتألق مهل الرويضي
الله يعطيك العافيه على هالابداع الرائع
قصيده جزله
صح لسانك ملايين
والله يحفظ ملكنا

تقبل تحياتي