[سفيرالباديه]

السلام عليكم ورحمة الله وبركاته..
نشرت بئسم شاعر رشيدي في جريدة الرياض
والقصيده معروفه لاحد الشعراء من قبيلة حرب
وحصل عليها مجاريات من قبل كبار الشعراء
وقائلها الشاعر \حماد مريزيق الحربي وهي قديمه قبل
اكثر من 15 سنه وفي ديوانه وسبق إذاعتها في بادية
الكويت وبعض القنوات.
والقصيدة كاملة هي:

عز الله إني جلست وطال مجلاسي =يالله عسى كل تأخيره بها خيره
وإلا سنتين مضن لي شيبن راسي =ياما خذن من صديق وطلعن غيره
لولا الشدايد وش اللي يفرق الناسي =لاكنها تطلع الصفرة من النيره
قدامها أخذت لي بالدرب مرواسي =وأزريت لأفرق ورده من مصاديره
لين أخلف الوقت مرماعي وهوجاسي =مال الزمان ولقيت أكبر مخاسيره
رفقة رفيق تشيدها على ساسي =واليا أدبر الوقت هدتها معاصيره
وأقفيت عنها رجاي معادل الياسي =حيث البنا صعب هده عقب تعميره
أسباب ما أذهب عزاي وثور احساسي =ماهو غشيم هدم بيره بتدبيره
أنا ليا شفت فتقن صار من ياسي =أخفيه ما أبديه خوفن من مداويره
والتايه اللي بعضده رد الأمواسي =أغضي عنه لو كشفت أخطاءه ما أذيره
أخلف هدف رمعة يفرح بها سياسي =ماني غشيم يصيد ببندقية طيره
واليا اعترض في نحاي وحد الأضراسي =ماني زهوت قضيفات معابيره
باللين ليّن وفي وقت القسى قاسي =لا كشر الناب والطايش صقع زيره
يبشر بخصم يهد المبنى الراسي =في ضربة كسرها يتعب جبابيره
ما جاب غيضي وتكديري وعوكاسي =إلا احتمال الخطأ لا ضاع تبريره
أبا الندواي يذب الدرب متواسي =قدام أخبط الشجر وأظهر عصافيره
طالت وعرضت هبوب ليلها دماسي =يجرح صداها لبيب العقل ويثيره
الصبر جوهر وهو له حد وقياسي =والطق قفل العجم خل بمساميره

الموضوع الأصلي: هل هي سرقه ام اقتباس ام خطاء في النشر | | الكاتب: سفيرالباديه | | المصدر: شبكة بني عبس

[الاجهر]

حياك الله سفير البادية وفرصة سعيدة - المعنى بطن الشاعر- وبامكانك ابداء وجهة نظرك حول القصيدة للجهه التى نشرتها وهذا هو التوجية الصحيح
حياك الله مرة اخرى
وياهلا ويامرحبا في مضارب بني عبس

[مروان الرشيدي]

ارحب ياسفير


هلا وغلا

قصيده رائعه


اما بالنسبه لصاحب القصيده فلا يوجد لدي علم من هو شاعرها


ولاكن من سأل لقى الجواب وأن شاء الله يفيدونك الاخوان


تحياتي


وصح لسان كاتب القصيده قصيده رائعه

[برق الوسم]

وعليكم السلام ورحمة الله وبركاته
وياهلا ويامرحبا في منتديات شبكة بني عبس
وحياك الله وابرك الساعات

هل هي سرقه ام اقتباس ام خطاء في النشر

كل شي جايز ماعدا السرقه مااعتقد لان القصيده قصيدة شاعر كبير واكيد مثل هذا الشاعر معروف سوى كان رشيدي او حربي

نشرت بئسم شاعر رشيدي في جريدة الرياض

يااليت اخوي تذكر لنا اسم الشاعر الرشيدي ربما تجد الجواب الشافي منه شخصياً او من الاخوان المقربين له باالمنتدى
تقبل مروري ومرحبابك مره اخرى

[سفيرالباديه]

القصيده نسبت بئسم الشاعرنواف بن سحيب الرشيدي
ارجو التوضيح من من يعرف الشاعر او قصيدة الشاعر نواف
قد يكون اقتبس هاذه الابيات وذكر اسم شاعرها لاني لاتوقع
ان يكون سرقها لان بني عبس ماهم في حاجة سرق للشعر فاغلب شعراهم
اصحاب جزالة وحكمه

[برق الوسم]

الشاعر نواف قد يكون اقتبس هاذه الابيات وذكر اسم شاعرها لاني لاتوقع ان يكون سرقها لان بني عبس ماهم في حاجة سرق للشعر فاغلب شعراهم اصحاب جزالة وحكمه

بيض الله وجهك على كلامك الطيب ولا عليك زود
ومنا الى الشاعرنواف بن سحيب الرشيدي او من يعرف هذا الشاعر
وتقبل خالص الود والتقدير

[حب الغموض]

يديك العافيه