[جميل مساعد]

هذه القصيده كتبتها في عزيز فقدته وهو أخي ولهذا كتبتها واطلب منكم الدعاء له بالرحمه ولعل هذه القصيده تحوز على رضاكم .. ودمتم...

أسلي النفس وأخفف على ناري= وأقول عمر الشقا هذي توافيقه
لاضاق صدري زبنت الحبرو أشعاري= اليا تذكرت أخوي بحزة الضيقه
جاني خبر محزن(ن) من شر الأخباري= تصدع القلب وأدهر من معاليقه
الساعه اللي ترافقني بمشواري= بالموقف اللي يلوع وصعب تصديقه
سمعت شين الخبر وأنشلت أفكاري= أعصاب مخي مراكز نطقها تعيقه
ماأسمع كلام العرب وأسج محتاري= كني فقيد العقل والناس مطيقه
والله لوكان ينفع لقطع أزراري= وأنوح وأبكي بدمع(ن) زاد تغريقه
واليا تذكرت يومن مابه أعذاري= يوم القيامه وكلن حسب توفيقه
يارب ترحمه ياعلام الأسراري= الجنه مطلب وهم النار تعتيقه
يابوي لاتشيل همي دامني ساري= وأنا طموحي صقر بالجو تحليقه
أحدن يموت امتعاف بقدرة الباري= وأحدن نجا من مرض لوصعب تدقيقه
صبري قوي والصبر أساس الأصراري= صابر على بلوتي وأيماني اوثيقه
دنيا تقلب وحكم أقدارها جاري = ناس(ن ) تسره وناس(ن) نشفت ريقه
والمومن المبتلى صبار ويداري= ودنياك لوجمعت ياسرع تفريقه
لابد ماينقضي حلوه والأمراري= الليل يضفي على الشمس ومشاريقه

وسلامتكم....

الموضوع الأصلي: مرتيه.. | | الكاتب: جميل مساعد | | المصدر: شبكة بني عبس

[برق الوسم]

رحم الله المتوفي واسكنه فسيح جناته

صح لسانك اخوي جميل مساعد ولاهنت
تقبل مروري

[احمد سبيتان]

الله ير حم اخوك ويسكنه فسيح جناته

صح لسانك تقبل مروري


ملاحظه بس عندك خلل بالوزن
اهتم فيه بس الله يوفقك


اخوك احمد

[جميل مساعد]

مشكور يابوسبيتان ولكن أين الخلل قد يكون التنوين لم أضعه في بعض الابيات... مثل
جاني خبر محزن (ن) من شر الاخباري وايضا أخطا في كامت شقاء والصحيح
واقول عمر الشقاء هذي توافيقه.. وانت سالم ومشكور على هذه الملاحظات الجميله...

[جميل مساعد]

الصحيح
واقول عمر الشقا هذي تواقيقه

[جميل مساعد]

مشكور مروض الشرد ولاهنت

[مرزوق العجوني]

صح لسانك اخوي وتقبل مروري والله يرحمو المتوفي

[جميل مساعد]

مشكور مرزوق ... تحياتي