[رشيد]

شكوى لغير الله يقين فلسها
=-=-=-=-=-=-=-=-=-=-=
خلف بن غالب بن مريخان الحربي


هم بروحي سمها وافترسها

* فرس الجراد لمخضرات الفياضي

ساق وتساقا بالضمير وعمسها

* والحال من جور الهواجيس قاضي

عن بعض هومات المراجل حبسها

* ابغى النهوض وصار صعب انتهاضي

يالله يا خـّلاق سبع بحرسها

* ومن مثلهن مديت سبع الأراضي

وارسى رواسيها وثبت اسسها

* من خوف ردة فعلها با انتفاضي

وقدر وزاد اقواتها ما بخسها

* يعطي ويمنع ما عليه اعتراضي

ارجيه رجوى مخلص ما غمسها

* نفسه عسرها للنقا والبياضي

يب لنا شهب الليال ونحسها

* بأيام تنسينا شقى كل ماضي

شكوى لغير الله يقين فلسها

* ومن شك قلبه ما به ايمان فاضي

مشرك ولو كل المناهج درسها

* ومغضب ولـّي الكون وابليس راضي

وعن سنة الهادي دروبه عكسها

* وله من حياض النار عدة حياضي

يا الآدمي دنياك يرهب شرسها

* لو تعجبك ما تمهلك بالتغاضي

فكر بها في كل حكمة وقسها

* ما فات منها للبشر ما يعاضي

كم خير منها المراره لحسها

* عقب البراد استاقته للرماضي

دنيا دنيه شرها في نفسها

* طويل وازماته طوال اعراض

تضحك وتبكي عقب لذة ونسها

* منها كوايا العبد دايم نجاضي

الموضوع الأصلي: شكوى لغير الله ... يقين فلسها | | الكاتب: رشيد | | المصدر: شبكة بني عبس

[عايض بن صالح]

لاهنت يارشيد

احسنت الاختيار

ابيات رائعه

صح السان

شاعرها

[الرياض]

تسلم على نقل القصيده وصح لسان الشاعرخلف الحربي

[سعد بن عادي]

بيض الله وجهك يا رشيد


نقل مميز لا هنت


جديدك القادم أحلا وأحلاا

[رشيد]

لاهنت يارشيد احسنت الاختيار ابيات رائعه صح السان شاعرها

دمت يا شاعرنا ابوصالح
في أحسن حال
دمت متميز وراقي.

[رشيد]

تسلم على نقل القصيده وصح لسان الشاعرخلف الحربي

سلمك الله اخوي ولاهنت

[رشيد]

بيض الله وجهك يا رشيد نقل مميز لا هنت جديدك القادم أحلا وأحلاا

مراقبنا العام
دمت في سعادهـ

[مسندالعويمري]

تسلم على نقل القصيده وصح لسان الشاعرخلف الحربي