[النمر1012]

تضوي بي أفكاري على كل مدهال
وأحيل وأنسا داخلي ضيق مدفون
وأسري وأدور بالمساري لي آمال
وماينقطع حبل الرجا والولي عون
ومنهو سلم بالناس من ضيقة البال
كل البشر لابد للضيق يردون
كم من حزين الدمع في محجره سال
وكم من كسير الحال بالضيق مسجون
يوم الجلد يلقا مع الناس منزال
تلقا الجزع يالقا مع الناس مشطون
والصبر تلقاله مع الناس مكيال
بحدود مايستاسع الصدر موزون
الله خلقنا ألوان وأجناس وأشكال
وقدر معيشتنا بالأيام وشلون
وارسل لنا المبعوث في خير مرسال
رحمه بأثرها الأنس والجن يمشون
هديه لنا نبراس ماعنه مبدال
والخير بأقواله وبالفعل مسنون
معصوم ماداس الخطا طيب الفال
محفوض من رب البريات مصيون
وحنا نصير ببعض الأوقات جهال
جهال في سوء العمل دوم يخطون
والعبد بقفايه مع الوقت واقبال
لاضاق صدره ماوسع ضيقه الكون
وشكوى لغير الله على الذل مدخال
مايدخله منهو قدر نفسه يصون
يرفع على الي قدر العمر بآجال
شكواه للي ماخفى عنه مكنون
يخلص له النيه ويجهد بالأعمال
ولاتاخذه ريبه ولايتبع اضنون
وصبره على الشده سبب خير منزال
وينجيه من نجا من الحوت ذنون
سبح بإسم ربي وسط غبة أهوال
ودعواه بالشده بها الناس يبدون
وصى بها المعصوم بالكرب تنقال
وعند البلا وصى بها الناس يدعون
بالضيق والشده تفتح بها أقفال
ويلقا الفرج فيها من الضيق محزون
وصلو على الهادي عدد قطر همال
وأعداد ماتبرق وترعد لنا مزون
ماراق اللي من قصيد

الموضوع الأصلي: وشكوى لغير الله على الذل مدخال مايدخله منهو قدر نفسه يصون ق--ش | | الكاتب: النمر1012 | | المصدر: شبكة بني عبس

[مداروفلك]

صح لسان شاعرها

وسلمت يمين ناقلها

[عايد2001]

صح السان شاعرها
ولاهنت ياالنمر على نقل القصيده

[سيوف بني عبس]

صح لسسان شاعرهااا

[بنت عز ماتنهز]

صح اللسآن شاعرهآ
ولا هنت يآالنمر ع القصيدهـ

[اميره الرشيدي]

عوافي ع الطرح ...................

[النمر1012]

الله يسلمكم وعافيكم ومشكورين على المرورررررررررررررررررررر الجميع

[كحيلة]

عليه الصلاة والسلام..
صح الله لسان شاعرها..وتسلم يمينك أخوي النمــر ع النقل الطيب والمميز..
مشكووور..ولاخلا ولاعدم..