ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
::::: ياعين هلي صافي الدمع هليه
السلام عليكم ورحمة الله وبركاته
يالله ان تمسيهم بالخير اليوم سالفتنا عن قصيده كثير مانسمعه في المجالس وكثير مانرددها ولعل بعض ابياتها صرت على مايقولون بيت قصيد وصارت امثال دارجه بين الناس واليوم القصيده لشاعرة من شاعرات العرب والى كتبت قصايده على مايقال بماء الذهب وهي من قرية عين قنور احد قرى القصيم تقع بين القصيم والدوادمي وقد توفيت في قريتها المذكورة في عام 1355 هـ الشاعرة نورة الحوشان وللاسف كثير من قصايدها ضاع والبعض نسب الى غيرها بسبب طول الفتره وتعدد الرويات وانه كان بعد في هاك الوقت قليل من شعر النساء الى يطلع ويقولون سبب القصيده انه صار خلاف بينه وبين رجلها وتطور الخلاف مما ادى الى الطلاق والانفصال النهائي عن بعضهم ويقولون انه عقب الطلاق جاه خطاطيب واجد وهي ترفض . وفي مرة من المرات كانت تمشى هي وعيالها ومر من عند مزرعة لاابوهم وراحو العيال يركضون بيسلمون على ابوهم وهي وقفت تحتريهم في طرف المزرعه وقامت عاد تذكر الايام ووشلون صاروا . وقالت : هالقصيده الى صورة فيها هالحاله وهي تعتبر من اجمل القصايد العاطفيه ياعين هلـي صافـي الدمـع هليه == واليا انتهى صافيه هاتي سريبه ياعين شوفي زرع خلك وراعيه == شوفي معاويده وشوفي قليبه من اول دايــم لـــرأيــه نمالـيه == والـيـوم جـيتهم علينا صـعيبة وإن مرني بالدرب ماقدر احاكيه == امصيبة ياكبرها ياعرب من مصيبة اللي يبينا عيٌت الـنفـس تـبغيه == واللـي نـبــي عـيـا البخت لايجيبه
|
|
|
رد : ::::: ياعين هلي صافي الدمع هليه
تسلم اخوي
والله يرحم اموات المسلمين قصيده مشهوره
|
|
رد : ::::: ياعين هلي صافي الدمع هليه
رحم الله الشاعرة ورحم الله ابو عدي وفعلن قصيدة جميلة وتسلم يابو نواف على النقل ودائم مميز وتقبل تحيات جنرال العرب
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| ياعين صبّي من معاميل الانعاس..صافي دموعك من حشا ليف روحي | كحيلة | منتدى الشـــعــــر | 44 | 14-02-2012 02:48 AM |
| ياعين | بندر بن صبح | منتدى الشـــعــــر | 12 | 08-12-2009 11:34 AM |
| يا عين هلي صافي الدمع هليـه | ذبحني غروركـ | منتدى الشـــعــــر | 9 | 09-08-2009 08:26 PM |
| قصة وقصيدة..ياعين هلي صافي الدمع هليه | The monsoon | منتدى الشـــعــــر | 2 | 02-08-2009 01:11 AM |
| يامنتدى الشعار صافي على صافي | نايف | منتدى المحــــــــــــــاوره | 68 | 02-03-2008 12:20 PM |
الساعة الآن +4: 03:46 PM.
جميع الحقوق محفوظة شبكة بني عبس
