[بندر بن صبح]

السلام عليكم ورحمة الله وبركاته

امسي على الجميع

ياعين لو شفتي من الوقت مالاق=الصبر زين وكل مطرود ملحوق
احد تجي دنياه تمشي على ساق=واحد على دنياه زراق ومزروق
تال الزمان نشوف اشكال وارناق=بضايع قامت تداحم في السوق
كم واحد يضحك ومخفي لك نفاق=اسود حشا وظاهره بيض غرنوق
واحد معك يهرج على خير منطاق=ولاقفيت فيك يهرج ماكف منطوق
واحد على سد الاصاحيب بواق=وعندك يقول السد في وسط صندوق
واحد لغرات الشريفين دراق=لمسارق الغرات والستر مطفوق
واحد يساق وصار للغير سواق=مسيوق ماعنده خبر كيف مسيوق
واحد حياته كلها بيز ورواق=يخدم لصالح غير والراس مفلوق
واحد حياته كلها حب وفراق=مريض قلب ولابس ثوب مشقوق
واحد هوى باله يجي عنده اخلاق=والطبع مابدل مع النفس مخلوق
واحد تحت غفوته سالي ولافاق=يتبع هوى نفسه وفي قلبه فتوق
واحد تلصق بالمراجل تلصاق=ولاجاء حزم كلاب والياه مفهوق
واحد مع العربان ياناس معلاق=عليقة ماله مواجيب وحقوق
واحد يغبش الصبح مع نور الاشراق=وان رزق مره عشر ماهوب مرزوق
واحد ليا خايل في العين براق=ان عس براقه ليا السيل مسبوق
تواردت افكار في وسط خفاق=وحبيت ابين ماجرى وسط معلوق

وسلامة الجميع

الموضوع الأصلي: ياعين | | الكاتب: بندر بن صبح | | المصدر: شبكة بني عبس

[كاتب الرشيدي]

بارك الله فيك الشاعر الجدي


صح لسانك

ولاهنت
توصيف جميل لاصناف البشر

[بركه الخياري]

اقتباس من مشاركة الجدي السلام عليكم ورحمة الله وبركاته امسي على الجميع ياعين لو شفتي من الوقت مالاق=الصبر زين وكل مطرود ملحوق احد تجي دنياه تمشي على ساق=واحد على دنياه زراق ومزروق تال الزمان نشوف اشكال وارناق=بضايع قامت تداحم في السوق كم واحد يضحك ومخفي لك نفاق=اسود حشا وظاهره بيض غرنوق واحد معك يهرج على خير منطاق=ولاقفيت فيك يهرج ماكف منطوق واحد على سد الاصاحيب بواق=وعندك يقول السد في وسط صندوق واحد لغرات الشريفين دراق=لمسارق الغرات والستر مطفوق واحد يساق وصار للغير سواق=مسيوق ماعنده خبر كيف مسيوق واحد حياته كلها بيز ورواق=يخدم لصالح غير والراس مفلوق واحد حياته كلها حب وفراق=مريض قلب ولابس ثوب مشقوق واحد هوى باله يجي عنده اخلاق=والطبع مابدل مع النفس مخلوق واحد تحت غفوته سالي ولافاق=يتبع هوى نفسه وفي قلبه فتوق واحد تلصق بالمراجل تلصاق=ولاجاء حزم كلاب والياه مفهوق واحد مع العربان ياناس معلاق=عليقة ماله مواجيب وحقوق واحد يغبش الصبح مع نور الاشراق=وان رزق مره عشر ماهوب مرزوق واحد ليا خايل في العين براق=ان عس براقه ليا السيل مسبوق تواردت افكار في وسط خفاق=وحبيت ابين ماجرى وسط معلوق وسلامة الجميع

وأنت سالم
وفيت و كفيت بيض الله وجهك

لاهنت

[صميدع راس]

صح لسانك ياصديقي يانجم الجدي وسجل اعجابي فيك وشهادتي فيك مجروحة

[مـآجـد]

الله يمسيك بالرضا والعافيه اخوي "الجدي"

وصح لساانك واعتلا شاانك

وبيض الله وجهك على هالقصيدهـ

سجل اعجابي وتقبل مروري

[بندر بن صبح]

اقتباس من مشاركة كــــاتــــب بارك الله فيك الشاعر الجدي صح لسانك ولاهنت توصيف جميل لاصناف البشر

وفيك بارك الله ياكاتب

وصح بدنك وتسلم على مرورك وتعليقك

[بندر بن صبح]

اقتباس من مشاركة بركه الخياري وأنت سالم وفيت و كفيت بيض الله وجهك لاهنت

وانت كذلك ووجهك ابيض وتسلم على مرورك وتعليقك

[بندر بن صبح]

اقتباس من مشاركة مـآجـد الله يمسيك بالرضا والعافيه اخوي "الجدي" وصح لساانك واعتلا شاانك وبيض الله وجهك على هالقصيدهـ سجل اعجابي وتقبل مروري

ومن يقول ياماجد

وصح بدنك وتسلم على مرورك وتعليقك واعجابك شرف طال عمرك