[احمد الشختلي]

بسم الله الرحمن الرحيم
السلام عليكم اعضاء وزوار هذ الصرح ,,متواضعه ترجي القبول منكم
عسى ان تشفع لـ غيابي

يابو فهد بالي من الوقت طايب=وروحي تزايد يأبن شافي تعبها
شافت عيوني فالزمان الغرايب=ومطامعي هم الليالي جذبها
دنيا تشيل من التعب والحرايب=ما يزعج العاقل وهو ما قربها
أبليس اشوفه صار بين القرايب=يفرّق الاثنين حتى غلبها
ومن الذنوب اشوف حتى السحايب=ماعاد ترخي للفيافي هدبها
وصار الخوي عن ماكر الطيب غايب=والخوه بحبل الردى قد صلبها
ومنازل أهل الجود راحت خرايب=غدو وأشوف النار يرمى حطبها
وماعاد به واحد من الموت هايب=يطرد ورى الدنيا وهو ما حسبها
يعيش والايام غلب وغلايب=ورى ملذات الحياه وطربها
كلٍ ورى الدنيا يسوق الركايب=كم زمرة تفتل عشانه شنبها
قامت تزايد فالحياه المصايب= وضاقت على العاقل بواسع رحبها
مالي على الامه حقوق وطلايب=مقفي عن الدنيا وقاسي صخبها
مير أبتلتنا بالشقاء والغصايب=ولا استراح اللي تملّك ذهبها
الشختلي ياخوك شاف العجايب=ودلال صكات الليالي شربها
والمستريح اللي مصلّي وتايب=وأعماله لوجه الولي محتسبها

وسلامة الجميع

الموضوع الأصلي: صكات الليالي | | الكاتب: احمد الشختلي | | المصدر: شبكة بني عبس

[امرءالقيس]

صح لسانك وعلى شانك
قصيده جميله

[خليف الوهيداني]

لله درك ياعطيب الضرايب=ياذيب ياللي كل طرقه ضربها
قلت الصحيح ولابهرجك كذايب=ومثايلك تعجب ونظمك عجبها
فيها الحكم ترضي جميع الذهايب=ولبستها يالقرم غالي هذهبها
نظم الذي للعز ساق الركايب=وزين المثايل لتجارب دنبها
يسوقها والرزق بعد السبايب=ومابه مصالح ماسبقها سببها
سوق المزون اللي قفتها الهبايب=ماهو من اللي لضعيفه جلبها
سعى وكسب الرزق ماهو غصايب=يسعى البشر والرزاقه الله كتبها
والا لو انه وبالرمي والحرايب=وكل(ن)بايمناه الثمينه كسبها
اختار منها احمد خيار النجايب=وبافعال يمناه الطويله سحبها