[الراوي العبسي]

بسم الله الرحمن الرحيم
سلام الله ورحمته وبركاته عليكم ......أما بعد
صبحكم الله بالخيروالنور والسرور هذه أولى مشاركاتي فارجو أن تحوز على رضاكم
المشاركةهي:عباره عن قصيده للشاعر/إبراهيـــــم خلف الجـــــابر كتبها يوم كان ابــــوصـــــالح رئيسه فالعمل فصدر قرار بنقل ابــــو صـــــالح الشويلعي من عمله الحالي إلى مكان عمل اخر.



قصيده الجــــــابر:

يوم اربعا بول عشر من جماده=جاني خبر كنه صواعق وزلزال
قالو عمود الشفت شالو اوتاده=ظلا مريف فوق ربعه عن اللال
الله يجازي من سعى في ابعاده=بأمراض مايلقى دواها وسلال
راح ابو صالح راح عصر القياده =شاعر حكيم وعند قوله ليا قال
عبس لهم بالطيب مبدى وعاده=صغيرهم فعله تقل فعل رجال
فيهم كرم يفوق وصفي زياده=ورث لهم منجد لاعم لاخال
ارجو السموحه عن قصور الاشاده=بولاد عبس مطوعه كل عيال

مرد ابوصالح الشويلعي:

ماهي غريبه منك من روس قاده=شيوخ (فدك)اللي لهم يرجع المال
الجابر الهم بالمواقف شهاده=طيب وكرم تشهد لهم كل الاجيال
وطبع الوفاء يحتاج صبر وجلاده=وعز الخوي في عبس مضرب للامثال
وهذي يابوخالد ظروف القياده=اليوم معك مقيم والصبح رحال
وفرقا"على طيبه وعز وسعاده=حلات عمر المرء والعمر لو طال
لابد من يوم يواجه نفاده=ويهل فوقه من ثراء تربة الجال
واللي على الله حط جل اعتماده=يعيش من هم الدهر رايق البال
وربك لطيفا"مايضيع عباده=سبحانه اللي عالم كل الاحوال

	وتقبلو تحياتــــــي:الراوي العبســـي

الموضوع الأصلي: قصيده الجـــــابر ورد ابــــو صــــالح الشويلعي | | الكاتب: الراوي العبسي | | المصدر: شبكة بني عبس

[مسندالعويمري]

الراوي العبسي

صح الله لسانكـ ... وسلم بنانكـ ... ودام نبضكـ

على هذا الابداع



ويستاهل ابوصالح ونعم فيك وفيه وبكل الرجال الطيبه

[هداج]

الله يوفق الجميع



صح لسان الشاعر إبراهيـــــم خلف الجـــــابر

وصح لسان الشاعر ابوصالح الشويلعي


ولاهنت يالراوي العبسي على النقل

[أبونواف]

صح لسان الشاعر إبراهيـــــم خلف الجـــــابر

وصح لسان الشاعر ابوصالح الشويلعي


ولاهنت يالراوي العبسي على النقل

[سعد بن عادي]

صح لسان الشعراء


وبيض الله وجهك على النقل

[الراوي العبسي]

الاخوةالاعزاء مسند العويمري وهداج وابو نواف وسعد عادي
بيض الله وجيهكم وشاكر لكم مروركم
ودمتم بالف خير

[مفلح الخضيري]

قصيده تستحق الاشاده ومرد يشفي الغليل

بيض وجيه الشعراء المتحاورين

ولكم جزيل الشكر والاحترام

[عايض بن صالح]

الاخ الراوي العبسي ضيف جديد حياك الله عند ربعك وجزاك الله كل خير

على نقل مادار بيني وبين الشاعر ابراهيم الجابر قبل اربع اسنين

ممكن لوتكرمت تعرفني على نفسك

تـــــــــــــــــــــحياتــــــــــــــــــــي