ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
لهيب الوجد وفراق الشوق
قصيدتان للأمير خالد بن سعود الكبير وسلطان بن وسام الهاجري وحضور مختلف يليق بأسماء شاهقة وتجارب واسعة في جزالة المعنى وقوة السبك وعذوبة المفردات
لهيب الوجد واكبدي اللي لهيب الوجْد محْرقها = أونس لواعيجها معْ حَرّ الانفاسي اشرب عليها من البارد ومغـْرقها = لاشك عيّا يطفـِّي حَرّها كاسي على هنوفٍ شعاع الشمس ناشقها = خمْريّةٍ لونها من لون الاطعاسي الزين فيها حقيقه لو تحقـّقها = الراهب الملتزم سبَّح وهو ناسي لا كحْل لا رَوج لا مكياج لاحقها = الزين فيها طبيعي مثل الالماسي الخدّ شمس العصر يطربك شاعقها= ما كنـّها يا عرَب مـن طينة الناسي والعين عَكشا هَدَب .. نجْلاً يسارقها = من زايد الغنـْج خدْرة نوم ونـْعاسي والشَعْر الاكثل خطير يتلّ عاتقها = لى فـَلـّته وانهمر لأعطافها كاسي والكشْح هافي وضامر .. ما تعَلـّقها = طفلٍ .. وَلا مَسّها جـنٍّ وَلا ناسي والعُود من شجْرةٍ غضّه مطارقها = طلـْع الثمَر فيه لا ليّن ولا قاسي الى حكت حِسّ نبْرتها ومنطقها = هدِيل ورْقاً تهيّض كلّ حَسّاسي والعُود والمسْك ينضح من مَعَارقها = والورْد والزهْر من نفحات الانفاسي حَسْبي على الشِعْر فرّقني وفرّقها = وأمسَيت انا غارقٍ في بحْر هُوجاسي ما ادْري وش اللي دعاني يوم احمّقها = قصيدةٍ قلتها لعْب وتونـّاسي والعين قالوا بحَر .. والنفْس يطرقها = ما هيّض الشعْر واثر الشعْر دسّاسي غارت وراحت وخفـْت اقوم والحَقها = في زحمة الناس .. لكنْ ردّني باسي مِسْكانها بين مغْربها ومشْرقها = من دونها سُور وجْنودٍ وحُرّاسي سلطان سلطان .. ما تقضي لعاشقهـا = من قبل يقضي عَليه الهَمّ والياسي إشعَب ركاب الفكر والسابقه سقها = إفزع لعلـّك تليّن قلبها القاسي قصيدتك ما انت شاريها وسارقها = في غبّّة القاف تتعِب كل غطّاسي غيمة بحَر لا اقبَلـَت يدهشـْك بارقها = يشفي مطـَرها جميع السقـْم والباسي اشرح لها الوضع يا كـُودك ترقـّقها = وغضّ البصَر وانتبه يا الشاعر الراسي احذر ترى من لمَحْها غصْب يعشقها = أخشى تزلّ القدَم وتطيح متـْواسي شعر الامير خالد بن سعود الكبير فراق الشوق
حَيّ الله المزنه اللي لاح بارقها = غرّاًعليها عروق القلب يبّاسي تدفـّقت واثلج فوادي تدفـّقها = وأنا ما بين الرجا والهَمّ والياسي لكنّ وصْلت بنا الطرْق لمفارقها = واظن جمر الغضا ما هوب ينداسي والعشق كم له ملفاته مغلـّقها = أحيان ناسي وبعْض احيان متناسي يا كثْر الأصوات يزعجني تصاعقها = وأحطـّها مثل حرْفٍ بين الاقواسي والعذر اقول :إذْن مشغوله واذن صقها = أبَا اتمشـّى واداعب كل نسناسي شكوى هَلَ العشق اكذّبها واصدّقها = تطـْرق بحور الشعِر وتدقّ الاجراسي يا كـُود شكوى خذتني في حقايقها = لا هنت يا امير خالد يا بَعَد راسي شكواك يوم اتمعّنهـا وأدقـّقها = شكوى خبيرٍ بعِيد انظار وسْياسي وإنْ كان دنياك شايقتك وشايقها = انته وريث الفخر والدرع والطاسي قومٍ على قمة العليا بيارقها = مقياسهم يختلف عن كلّ مقياسي والعشق له مُرّه ولذّه .. وذايقها = يعيش بين الرفاهيه والاتعاسي والعاقل اللي بمعناها يطبّقها = ويضحك على الجاهل اللي يطبخ الفاسي عزي لكبدٍ فراق الشوق فاتقها = ما غير الاسِيه لو ما هو بمتلاسي عشَقت من ثبّت طعونه ووثـّقها = عانيت منها وانا في راس مرواسي قدام أعرّج عليها وأتطرّقها = أعُود لك يا طويل العمر واواسي روحٍ شعاها الغلا والحُب وارهَقها = على الذي قدّها بالوصف مَيّاسي قبّاً من اجمل بنات الريح واسبقها = فرَس فرَس فارقه عن كل الافراسي إن دبّرَت كنّ نصْـف الجسـم عايقها = وإنْ اقبلت كلـّها عنـْج وتغطراسي وإن عَرّضت يسْبي الخافق معَنـّقها = وانْ وقـّفت خلـّت الوقـّاف جلاّسي وشُقـْرٍ على الجـِيد الاتلع يوم يفهقها = شلاّل نافورةٍ من فوق الاكباسي حفـّانةٍ حَومة الحايم تضايقها = بيّن عليها من بْعِيدات الارماسي الحُرّ لا لحْقها في الجوّ علـّقها = وانْ كوبَرت لاحهـا بالمخلب القاسي سلطان الهاجري منقول من جريدة اليوم دمتم بود
البنفسجي
|
|
|
رد : لهيب الوجد وفراق الشوق
بيض الله وجهك اخوي البنفسجي
احسنت الاختيار لشاعرين من افضل الموجودين حاليا على الساحه الشعريه لهم حضور مميز وقصائد من العيار الثقيل لاهنت لاهنت على روعه نقلك وجديدك بلاشك يهمنا دمتم كما تحبون
|
|
|
رد : لهيب الوجد وفراق الشوق
بيض الله وجهك اخوي البنفسجي
احسنت الاختيار لشاعرين من افضل الموجودين حاليا على الساحه الشعريه لهم حضور مميز وقصائد من العيار الثقيل لاهنت لاهنت على روعه نقلك وجديدك بلاشك يهمنا دمتم كما
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| ما أروع قطرات الندى | كبرياء امراة | المنتدى العــــــــــــــــام | 8 | 25-07-2013 11:49 PM |
| برودكاست بعد وفراق | عاتبوه البشر | منتدى الكمبيوتر والجوال | 8 | 20-06-2012 08:55 AM |
| افراح الندي المويزري | الدعوه عامه | منتدى مناسبات وافراح القبيله | 4 | 23-10-2010 01:23 AM |
| همــــــــــــوم الندى | rashidhoa | منتدى الشـــعــــر | 13 | 02-02-2008 07:37 PM |
| ضم الندى عودك...................... الزعيم | محمد العبسي | منتدى الشـــعــــر | 3 | 27-02-2007 02:31 AM |
الساعة الآن +4: 09:43 PM.
جميع الحقوق محفوظة شبكة بني عبس
