[سـعود المضيـبري]

لاهنت ياراس الرجاجيل لاهنت = لاهان راس فى ثرى العود مدفون
والله ماحطك بالقبر لكن أمنت = باللي جعل دفن المسلمين مسنون
منزلك ياعز الشرف لو تمكنت = فوق النجوم اللي تعلت على الكون
سكنت دار المجد ياشيخ وأسكنت = شعبك معك فى منزل العز ممنون
صنت العهد ياوافى العهد ماخنت = علمتهم وشلون الاشراف يوفون
كم ظالم عاداك واعفيت واحسنت = واخلفت ظن اجموع ناس يظنون
شلت الامانه حافظ ماتهاونت = شفنا بك رجال على النفس يقوون
ياللي طلبه الملك بالحب زينت = عرشك بتاج قلوب شعب يحبون
لونت تاج الملك ما قد تلونت ="ماغرتك دنياك ماصرت مفتون
بالزهد والمعروف والصبر كونت = منهاج فيصل منهج اللي يعدلون
تلفتت روس المخاليق وين أنت = وين العظيم وعود الشوف مطعون
كم خافق وقف عقب ما تكفنت = وكم ناظر ذوب سواداه محزون
لو شفت حال الناس عقبك تبينت = مقدار حب الناس للي يودون
مما بقلبي قلت يابوي لاهنت = والانت فوق القول مهما يقولون


الشاعر الامير...خالد الفيصل

[/poet]

الموضوع الأصلي: اعظم مرثيه بالتاريخ | | الكاتب: سـعود المضيـبري | | المصدر: شبكة بني عبس

[حــزام]

مرثيه عظيمه من شاعر عظيم في رجل ـ عـظـيــم ـ
رحم الله الملك فيصل بن عبدالعزيز

وفعلا

تلفتت روس المخاليق وين انت ؟

وين انت يالفيصل

[سحايب]

صح الســـان خالد
وسلمت يمناك على النقل

[نواف فضي]

صح الســـان خالد
وسلمت يمناك على النقل

[احمد منيف]

والله ماحطك بالقبر لكن أمنت = باللي جعل دفن المسلمين مسنون منزلك ياعز الشرف لو تمكنت = فوق النجوم اللي تعلت على الكون

تلفتت روس المخاليق وين أنت = وين العظيم وعود الشوف مطعون

صح الله لسان شاعرها وعز الله انها تهيض وتستاهل الحفظ بذاكره الراس

وتستاهل الخمس نجوووم :)