[المحترف العبسي]

زايد ابن عدله
يامرحبا في مضارب عبس في حلّة أتراث ماضينا00ترحيب في قاف تصويره يدري به اللي ماهو داري
يامالك أسمع كلامي زين أن كان بأذنيك توحينا00وش حصل وش صار بأرض الجار اللي ذرا بابها الذاري

مالك الصامل

دام البقاء في مضارب عبس مداام دام البقاء فينا .. رديتً ترضي الزعلان من هجسي ومنبع افكاري..
ابسمعك واخذ علومك يالين تاخذ وتعطينا .. الدار فيها حماة الدار والوضع يازايد اجباري

زايد ابن عدله
كنت احسب انها عليك تفوت وأثرك سوّاق لومينا00يهبوا هبيتوا يأهل كشمير حطوا لهم باب فرّاري
لو تنشد معمر الليبي وش صار في شعب اهل سينا 00علّمك يامالك الصامل بالحسد والحقد ياجاري


مالك الصامل
حنا نسوق القصايد سوق والشعر عرشه بايادينا.. لو تجتمع ربع بنغازي ماتفوت والشاعر خياري
وش صار ماصار غير العار الله من الحسد يحمينا .. ياجار حول الجنون جنون والثوب مايكسي العاري

زايد ابن عدله
ما اقول فيكم ردى شعار لكن مانته ملاحينا00العرق ياصاحبي دساس واللي مقدّر لكم جاري
انا اشهد انك تصوغ القاف تبحر وتكشف معانينا 00بدق بحلوقكم مسمار واسري مع الليل سمّاري

مالك الصامل
افكارنا للهجوس ابرووق وصدورنا للشعر مينا00 والعرق لا دب فيه السوس منزهن عنه مقداري
يازايد ان زدت جاك الزود والنقص عيب بمبادينا .. وبحلوقنا تبلش الاقزام والذيب في هيبته ساري

زايد ابن عدله
يأحمد نجيب أنور السادات من وصّله كشف اسامينا00لكن لاتحرق الغليون اللي على جمرتك ضاري
ابطن سلاحك واقول اوفيت وان جيتنا يمكم جينا00تبشر بشلفا ورمح ذياب طلقات عبرودها ناري

مالك الصامل

ماتدري ان الخبر معروف وحنا نعادي معادينا .. السمسره مذهب السمسار يركض ورى كل سمساري.
واللي لعبها على المكشوف ماهو بالافكار معدينا.. وتخطيط يعقوب ابن نمرود ادمره حكمة الباري..

الموضوع الأصلي: الشاعرين المبدعين مالك الصامل وزايد ابن عدله طاروق روعه | | الكاتب: المحترف العبسي | | المصدر: شبكة بني عبس

[بيطار الشعر]

صح الله اللسان ابن عدله

وصح اللسان ابن صامل

محاورة رائعه

ومشكور يالداهيه على النقل

[عازف]

صح السنت الشعرا ء ولاهنت على النقل يالداهيه

[الفيلسوووف]

صراحه ابن عدله ماهو حول مالك مالك شااعر متمكن مع احترامي الشديد

[المحترف العبسي]

اقتباس من مشاركة البيطار صح الله اللسان ابن عدله وصح اللسان ابن صامل محاورة رائعه ومشكور يالداهيه على النقل

شكرا على مرورك العطر والله لايهينك

[المحترف العبسي]

اقتباس من مشاركة عازف صح السنت الشعرا ء ولاهنت على النقل يالداهيه

شكرا على مرورك العطر والله لايهينك

[المحترف العبسي]

اقتباس من مشاركة الفيلسوووف صراحه ابن عدله ماهو حول مالك مالك شااعر متمكن مع احترامي الشديد

شكرا على مرورك العطر والله لايهينك

وكلهم شعراء يالفيلسوف مايكسر القوم غير اللي تعزوالها

[السيف القاطع]

صح السان الشاعرين وافين ومشكور علئ النقل يالداهيه