[بحــ الخليج ــر]

رائعه .. جزله ... ممتعه .. أردت أن تشاركوني قرائتها ومتعتها .. :)

قصيدة أب في إبنته نقلتها لكم بتصرفي ولا أعلم من هو شاعرها ؟




:[/size]

يابنت يكفي دخيلك لاتبوسيني=خلاص يكفي ترى مليت مشكورة
وش لك بخدي يابنت الناس فكيني=عندي طريقة وهي ماهيب محظورة
نامي على صدر ابوك وحيل ضميني=لو تصبح عظام صدري منك مكسورة
انتي أساساً مكانك في شراييني=مشاركة بالمحبة والغلا "نورة"
ولاهي غريبة على مثلك تحبيني=لاني أحبك وانادي دوم عصفورة
يابلسم جروح ابوك وفرحة سنيني=يامن لها بالضلوع وخافقي صورة
أهديت غيرك كلام رويشد "اعفيني"=وانتي لك بذمتي "درة وبلورة"
اموت في ضحكتك وانتي ذبحتيني=بلشة عنيدة وكتكوتة وشطورة
أن جيت اريّح وانام الليل توذيني=متسلطنة تضرب الجدران بالكورة
تلعب على عيني الكورة توريني=والله ولا سامي الجابر وجمهورة
واليا بكت تنقلب عندي موازيني=دنياي من دمعها وأن سال مذعورة
كن الزلازل بصدري والبراكيني=قامت تفجر وكن الروح مخطورة
واليا ضحكت قلت أنا بالسوق بيعيني=لو كان سعري ثلاث ريال معذورة
والله ما أحسد على ضحكك سلاطيني=اموالهم في بنوك جنيف محشورة
انتي حياتي وعمري شمعة سنيني=ودي اشوفك إليا شيّبت دكتورة .
ادواي لاجيت لك تعباااان ضميني=الوصفة اللي ترد الروح "عبورة"

آطيب التحايا



,’

.[/QUOTE]

الموضوع الأصلي: يابنت يكفي دخيلك لاتبوسيني | | الكاتب: بحــ الخليج ــر | | المصدر: شبكة بني عبس

[1695]

الله الله

يالشاااعر اختيار خطير


ذوقك راااقي ياوسمي الله يحميك

[بنت العبسي]

الله الله الله

تعبير رااائع من الشاعر بطريقة خطيرة

صح لسانهــ ... وحفظ له بنيتهــ

شكراً لهذا النقل الرااائع

[رائد الذيابي]

نامي على صدر ابوك وحيل ضميني لو تصبح عظام صدري منك مكسورة

فعلا قصيده راااااااائعه وجزله

صح لساان شاعرها

وسلمت يمين ناقلها

تقبل مروري وغفير امتناني

[عبدالله]

أن جيت اريّح وانام الليـل توذينـي

متسلطنة تضرب الجدران بالكـورة

شكلها موذيه ههههههههههههههههههه صح لسانه وسلمت علي النقل