[غربة الروح !!]

\

دخيلك ياهوى الغربي على قلبـي تهـب بزيـن
تراك محملٍ بشيـاء تهـز القلـب .. وضلوعـه

تـراك محمـل بشيـا خفيـه مستحيـل تبيـن
ولايفطن لها كـون الجريـح مـلاوع اللوعـه

عليك الله وجـاه الله تلـف يسـار ولايميـن
ولاتحيي عروق جروح مـن عاميـن مقطوعـه

تنحرتك وانا اعـرف النتيجـه دمعـه وبيتيـن
ومجموعة هواجيـس تخالـف هـي و مجموعـه

وتنفستك وانا اعرفك على روح الشقي حديـن
لكـن الله ومـرك وجابنـي باقـدام مقلوعـه

وجودي وجد من خلى يقيـده الزمـن للديـن
عفيف ما اظهر الحاجه ولافزعـوا لـه ربوعـه

والاياوجد حالي وجد من خلى يشوف الشيـن
يتيمٍ كلمته لا مـن شكـى ماهـي بمسموعـه

توفى ابيه عاده مابعد هـو ينطـق اسمـه زيـن
وعاش ابلا اخوان وناقـع كمـه مـن دموعـه

على اللي راح بفوادي وانا ادري ليه وادري وين
وروح روحـةٍ مجبوعـةٍ مـاهـي بمتبـوعـه

ملا صدري غلا واقفى وانا ضامي فواد وعيـن
لونه غير وادعني علـي اهـون مـن الروعـه

وبنى له في الحشى سورٍ .. مثل سورٍ بني في الصين
يـرد العـاذل ويحمـي ورود فيـه مزروعـه

حلف لي دين ماينسى وانا اللي قد عطيته ديـن
انا ديني علـى ماهـي وهـو ماغيـر طبوعـه

على خبري لكني رحـت ادور للحقيقـه ليـن
عرفت اسباب ماتقنع وشفت اسباب مشروعـه

لونه راح هاجرني علـي اهـون مـن الثنتيـن
مـراح مايبيـه وعبـرةٍ فـي الحلـق مقروعـه

عسى ربي يسامح كل من له في الفـراق ايديـن
سبق سيف الفراق العـذل ياروحيـن منزوعـه

دخيلك ياهوى الغربي ترى ماني مـن الساليـن
ولو بينت لك ضحكه تراها صـدق مصنوعـه

دخيلك كف ولا لف ولا غيـر هـب بزيـن
ترى ماهو يعرفك كون انـا ومـلاوع اللوعـه


راقـــــت لي ..

الموضوع الأصلي: دخيلك | | الكاتب: غربة الروح !! | | المصدر: شبكة بني عبس

[الاجهر]

صح السان شاعرها ولاهانت غريبة على نقلها 000 قمة الاختيار لاهنتي

[اميره الرشيدي]

يعطيك العافية .........................................

[حلوة المشاعر]

يعطيك ربي الف عافيييية

[الزعيم..]

دخيلك ياهوى الغربي ترى ماني مـن الساليـن
ولو بينت لك ضحكه تراها صـدق مصنوعـه

رووووووائع جديده.....

سلمت الاياااااااااااااادي

[كحيلة]

وبنى له في الحشى سورٍ .. مثل سورٍ بني في الصين يـرد العـاذل ويحمـي ورود فيـه مزروعـه حلف لي دين ماينسى وانا اللي قد عطيته ديـن انا ديني علـى ماهـي وهـو ماغيـر طبوعـه

صح الله لسان شاعرها..وتسلم يمينك يالغلا ع النقل الطيب..
مشكووورة..ولاخلا ولاعدم..

[احمد منيف]

صح الله لسـان شاعرها .. تسلمي اختي ع النقل ..

[غربة الروح !!]

لاهــــنتم . ع المـــرور الراقـــــي وربي

لكـــم اعــذب التحــآيأ ^_^