[مناورالعويمري]

بسم الله الرحمن الرحيم

قصيدة كتبتها عجوز بعد أن اودعها أبنها في دار المسنين

بعد أن مر عليها ثلاث سنوات في دار المسنين ولم يزورها إبنها قالت هذه القصيدة

ــــــــــــــــــــــــــــــــــــــ


وين انت يا حمدان امـك تناديـك .. وراك مـا تسمـع شكايـا وندايـا


يا مسندي قلبي على الدوم يطريـك .. ما غبت عن عيني وطيفك سمايـا


هذي ثلاث سنين والعيـن تبكيـك .. ما شفت زولك زايـر يـا ضنايـا


تذكر حياتي يـوم اشيلـك واداريك .. والاعبـك دايـم وتمشـي ورايـا


ترقد على صوتي وحضني يدفيـك .. ما غيرك احدٍ ساكن فـي حشايـا


واليا مرضت اسهر بقربك واداريك .. ما ذوق طعم النوم صبـح ومسايـا


ياما عطيتك من حنانـي وبعطيـك .. تكبـر وتكبـر بالأمـل يـا منايـا


لكن خساره بعتني اليـوم وشفيـك .. واخلصت للزوجه وانا لي شقايـا


انا ادري انها قاسيـه مـا تخليـك .. قالت عجـوزك مـا ابيهـا معايـا


خليتني وسط المصحه وانا ارجيك .. هذا جزا المعروف وهـذا جزايـا


يـا ليتنـي خدامـة بيـن اياديـك .. من شان اشوفك كل يوم برضايـا


مشكور يا ولدي وتشكر مساعيـك .. وادعـي لـك الله دايـم بالهدايـا


حمدان يا حمـدان امـك توصيـك .. اخاف ما تلحق تشـوف الوصايـا


اوصيت دكتور المصحه بيعطيـك .. رسالتـي واحروفهـا مـن بكايـا


وان مت لا تبخل علـي بدعاويـك .. واطلب لي الغفران وهـذا رجايـا


وامطر تراب القبر بدموع عينيـك .. ما عـاد ينفعـك النـدم والنعايـا

منقووووول

الموضوع الأصلي: قصيدة مؤثرة جدا لأم أودعها إبنها دار المسنين .. جدا مؤثرة | | الكاتب: مناورالعويمري | | المصدر: شبكة بني عبس

[::""الوزيره""::]

شكراً مناور العويمري على هذا النقل المميز

وشكراً على هذه الأبيات الحزينة لدرجة أنها ذرفت دمعتي عند نهاية القصيدة

أنها ليست أبيات بل مأسات الأم تحولت إلى أبيات شعرية

تقبل مروري@

[فتى كسلا]

مشكووووور اخوى مناور على النقل الرائع
ونتمنى المزيد منك كهذه القصيده

[مناورالعويمري]

مشكور اخوي على المرور

[ابو سامي]

مشكور اخوي مناور على القصيد

[العالم الفلكي]

مشكور يا ولدي وتشكر مساعيـك .. وادعـي لـك الله دايـم بالهدايـا

لاحول والا قوة الابالله العضيم

الله يهديه انشاء الله ويصلحه

مشكور اخوي مناور على النقل

[ღريم الفلاღ]

[منصور غنيمان]

مشكور يا ولدي وتشكر مساعيـك .. وادعـي لـك الله دايـم بالهدايـا

لاحول والا قوة الابالله العضيم

الله يهديه انشاء الله ويصلحه

مشكور اخوي مناور على النقل