[أبو عيسى]

قصيدة مؤثرة جداً تحكي قصة زوجة وقد اقام لها اهلها عندما خرجت من المستشفي احتفال ذُبحت فيه الخراف وقد كانت تعلم بمرضها وتحّس بدنو اجلها, ....

وقد وجّهت هذه القصيدة لزوجها فأسأل الله ان يتولاها برحمته ووالدّي وجميع المسلمين والمسلمات

ترى الذبايح وأهلها ماتسّليني

أنا أدري إن المرض لا يمكن علاجه

أدري تبي راحتي لا يابعد عيني

حرام ما قصّرت يديك في حاجه

أخذ وصاتي وأمانه لاتبّكيني

لو كان لك خاطرٍ ما ودي أزعاجه

أبيك في يديك تشهدني وتسقيني

أمانتك لا يجي جسمي بثلاجه

لف الكفن في يديك وضف رجليني

ما غيرك أحدٍ كشف حسناه واحراجه

أبيك بالخير تذكرني وتطريني

يجيرني خالقي من نار وهاجه

سامح على اللي جرى ما بينك وبيني

أيام نمشي عدل وأيام منعاجه

همي عيالي وأنا اللي فيْ كافينـي

علمهم الدين تفسيره ومنهاجه

منقول للعبره والعضه في الوفاء والصبر

الموضوع الأصلي: قصيدة مؤثرة جداً تحكي قصة زوجة مريضه | | الكاتب: أبو عيسى | | المصدر: شبكة بني عبس

[ابوتوتو]

مشكووووووووور على النقل المميز
عزاااااااااااااااااااااااااااااااااااااااه

[الشاطئ المهجور]

لاحول ولاقوة الأ با الله

رحمها الله وسكنها فسيح جناته

اشكرك اخوي ابو عيسى على النقل

وفقك الله لما فيه الخير يارب

[راسبه بالحب]

قصيده مؤثره الله يرحمها وجميع اموات المسلمين


يعطيك الف عافيه

[البعيد الهادي]

الصراحه مؤثره جداً
اسأل الله عز وجل ان يرحمها ويرحم اموات المسلمين
واحسنت النقل يابو عيسى

[حردان السحلي]

هذي القصيده قديمه ومعروفه ومعروف منهي له يابوعيسى وموجوده في المنتدا على ماضن ولاكن اليش ماذكرت صاحبت القصيده اما بسمها المستعار او بسمها الحقيقي وهي كانتن تنشر قبل وفاتها في جريده اليوم اعتقد
هههه ولاكن شكل ابو عيسى توه يدري عنها ماقصرت ياالغالي