[نهر الأحزان]

الموادع به من الحنظل ولون الشامه=وارتحالات الزفير وذاريات الكنه
والليالي كسب وآخرة المكاسب خامه=والبنادم بين ضحك وبين دمع وونه
كيف نبكي لا فقدنا شيخنا العلاّمه=كيف نزعل والصواب اللي فجعنا سنه
الكفيف المبصر الشامخ قصير القامه=بشروه بسندس الفردوس وأهل الجنه
عالمٍ ياكثر ماأبحر لأمته وايامه=وأمته به كانت لباب السما ممتنه
حالمٍ ماكانت لنفسه جميع أحلامه=وش خذا منا وحنا وش خذينا منه
كم عنا للتايه اللي ماأهتدى لأسلامه=كم ترك بالخلف قنطار الذهب له رنه
كم جلس يقرى نفوس العالم اللوامه=كم وقف للمستغيث اللي كبر به ظنه
مرّةٍ شفته وشفت قلوبنا قدامه=كل ماأفتى عوّد الجني لماكر جنه
ماحلى حتى إعتدال الشيخ في هندامه=يوم يقبل عطر يجهربه وعطر يكنه
زعفرانٍ باذخٍ في مشلحٍ وعمامه=كنه أطهر صبح ولاّ ماعرف وش كنه
الموادع شين والشامخ قصير القامه=بشروه بعشرةٍ قد بشروا بالجنه

شاعر الأندلس
ناصر القحطاني

الموضوع الأصلي: مرثية {{{{{إبن بـــــــــــــــــــــــــــــــــــــــــــــــــ ـــــــــــاز}}}}} | | الكاتب: نهر الأحزان | | المصدر: شبكة بني عبس

[الاجهر]

نهر الاحزان
مرثيه رائعة
في فقيد الامه
رحمه الله

ماننحرم منك

[راعي البلها]

مرثيه رائعه ولاهنت نهر الاحزان على النقل

[عبدالعزيز الخياري]

مشكور على النقل

[مبارك الشويلع]

بيض الله وجهك ولاهنت

على هذا النقل المميز

وصح لسان شاعرها وناقلها

ورحم الله العلامه بن باز بواسع رحمته

ولاهنت

[نهر الأحزان]

اشكركم يابنا عبس

[نهر الأحزان]

الاجهر شكرا شكرا