[كهل الصباء]

العام كانوا على العد أهلها قاطنين=واليوم جفت عدود القوم وبيارها
العام يارد عليها فوق مية قطين=واليوم ورادها تعميه بغبارها
يا رشود؟ يا عزوتي وش حل بالظاعنين=قلي علام النشاما قصرت أشبارها
يا رشود تكبر صغيرة من يدين الظنين=وش عاد لو هو تحسف عقب مأختارها
يا رشود ليت المنايا تترك الطيبين=تأخذ رخوم البرايا وتترك خيارها
يا رشود عقبك كضيم الغيض دايم حزين=وفعل اليدين الكسيرة طعن جبارها
يا رشود مشيتها وفاتت على الغافلين=لو إن رمايها محكم بي عيارها
ولو ما هو لجدي السابع من الوارثين؟=أسرجت خيل النقاء لين يعرف كارها
لكن لا جت من يسارك؟ ما تعزاء اليمين=وأكبر غباء سطوة اليمنى على يسارها
ويا عزوتي؟ بلغ اليسرى بلاغ مبين=اللي خلقها يسار...أدرى بمقدارها.

رثاء/كهل الصباء

الموضوع الأصلي: مرثية رشود... | | الكاتب: كهل الصباء | | المصدر: شبكة بني عبس

[فـ عتيبه ـارس]

اخي كهل الصبا
يشرفني بأني أول من رد على هذه الدره

مساؤك أبداع في أبداع
وصباحك روعة في روعة
ساحر حتى الأبهار
ومبهر حتى السحر

صح لسانك وأعتلا شانك

قصيدة جزلة و وافية من وافي

سجل إعجابي..... الصرحه يعجبني شعرك كثيـــــــــر

له أسلوب مميز في المعاني يسرح القارئ معها


لاهنت يا شاعرنا المتألق



يسلم فكرك....ويسلم راسك الشامخ

[خطاف الشعار]

صح لسانك ياكهل الصباء

[عيد سعود]

صح لسانك ياكهل لصباء وبيض الله وجهك ورحم الله المرثي وتقبل مروري

[مرزوق العجوني]

صح لسانك استاذي كهل الصباء ولا هنت

تقبل مروري

[عبدالله المظهور]

صح لسانك

صح لسانك

صح لسانك

صياغه

وتمكن

وشاعريه رقيقه .

شكرا لك .. وتقبل تحياتي وتقديري .

[ولــد خــلف]

ويـا عزوتـي؟ بلـغ اليسـرى بـلاغ مبـيـن__اللـي خلقـهـا يـسـار...أدرى بمقـدارهـا.

الله الله ياكهل الصباء جميل ماكتبت

حبكه جميله وفكــر اجمــــل

بالرغم ماشابها من كثرت

الواوات الزايده !

دمت ودام نزفكـ

[شاعر بني عبس]

كهل الصباء صح الله لسانك
قصيده جميله وراقيه
ذات طابع متألق
ولكن هناك ملاحظه بسيطه
ابيارها ايش ؟

اعرف ابارها جمع البير :)
اذا كان المقصود شي ثاني ياليت تشرح لي
واكووون لك من الشاكرين ان شاء الله

تقبل مروري المتواضع
ودمت غـــالي ومتـألق...