[الشاوي]

ياماحلا يالجيب مشيك مع العرق
......................... لاصرت تقطع خبتن بعد خبه

عليك ربعن كلهم مابهم فرق
......................... مــاعندهم تلقى نفـاق ومسبه

ربع(ن) هل المكشات مع لمعة البرق
......................... في موقعن ممطور قلبك يحبه

في موقعن ماتسمع الأ صدى الورق
......................... يصعب على بعض البشر مايطبه

جلست نشاما لا معاصي ولا سرق
......................... دين وسـوالف طيـبه مستحـبه

سوالفن ماهي بخافي ولا درق
......................... أحلى من صفوف الذهب في مصبه

وقبل صلاة الفجر مع نوحت الورق
......................... كلـن يهلل والحـطب لك يشـبه
واللي يحمس البن مايحرقه حرق
......................... مــازون حمســه للنشاما يصــبه

وجنبك غدير(ن) والهواء يطرقه طرق
......................... وريح الخزاما والنفل مع مهبه

الموضوع الأصلي: أحلى من صفوف الذهب | | الكاتب: الشاوي | | المصدر: شبكة بني عبس

[شاعر الحروب]

صح لسانك

جزله من شاعر جزل

[شجن عمري]

thanxxxxxxxx

[الشاوي]

اقتباس من مشاركة شاعر الحروب صح لسانك جزله من شاعر جزل

شاعر الحروب
أشكرمرورك ودمت بحفظ الله

[الشاوي]

اقتباس من مشاركة شجن عمري thanxxxxxxxx

شجن عمري
أنا ماأدري وش تقول يابعد عمري يادوبي أعرف عربي عاد وشلون الـــenglish

لاكن أقول لك شكراً

[مشلحط الشعار]

صح لساان الشاوي لاهنت على الجزله
مشينا الجيب موجود بس يبغى الخويا اللي تقول عليهم

[الشاوي]

اقتباس من مشاركة مشلحط الشعار صح لساان الشاوي لاهنت على الجزله مشينا الجيب موجود بس يبغى الخويا اللي تقول عليهم

صح بدنك أخوي مشلحط الشعار وبيض الله وجهك

وأبشرك الخويا موجودين مثك وشرواك