قبيلة بني رشيد - أحلى من صفوف الذهب

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - أحلى من صفوف الذهب (http://ban3abs.com/aa/showthread.php?t=130340)

أحلى من صفوف الذهب

ياماحلا يالجيب مشيك مع العرق
......................... لاصرت تقطع خبتن بعد خبه

عليك ربعن كلهم مابهم فرق
......................... مــاعندهم تلقى نفـاق ومسبه

ربع(ن) هل المكشات مع لمعة البرق
......................... في موقعن ممطور قلبك يحبه

في موقعن ماتسمع الأ صدى الورق
......................... يصعب على بعض البشر مايطبه

جلست نشاما لا معاصي ولا سرق
......................... دين وسـوالف طيـبه مستحـبه

سوالفن ماهي بخافي ولا درق
......................... أحلى من صفوف الذهب في مصبه

وقبل صلاة الفجر مع نوحت الورق
......................... كلـن يهلل والحـطب لك يشـبه
واللي يحمس البن مايحرقه حرق
......................... مــازون حمســه للنشاما يصــبه

وجنبك غدير(ن) والهواء يطرقه طرق
......................... وريح الخزاما والنفل مع مهبه

صح لسانك

جزله من شاعر جزل

إقتباس:

اقتباس من مشاركة شاعر الحروب (المشاركة 2910224)

صح لسانك

جزله من شاعر جزل

شاعر الحروب
أشكرمرورك ودمت بحفظ الله

إقتباس:

اقتباس من مشاركة شجن عمري (المشاركة 2910936)

thanxxxxxxxx

شجن عمري
أنا ماأدري وش تقول يابعد عمري يادوبي أعرف عربي عاد وشلون الـــenglish

لاكن أقول لك شكراً

صح لساان الشاوي لاهنت على الجزله
مشينا الجيب موجود بس يبغى الخويا اللي تقول عليهم

إقتباس:

اقتباس من مشاركة مشلحط الشعار (المشاركة 2915195)

صح لساان الشاوي لاهنت على الجزله
مشينا الجيب موجود بس يبغى الخويا اللي تقول عليهم

صح بدنك أخوي مشلحط الشعار وبيض الله وجهك

وأبشرك الخويا موجودين مثك وشرواك