[هداج تيما]

السلام عليكم ورحمة الله وبركاته

اقدم لكم هذه المساجله بين عايض العازمي (هداج تيما) والشاعر الكبير سعود ربيّع العازمي

واتمنى ان تحوز ولو على القليل من ذائقتكم الشعرية الراقية

عايض العازمي

اطلقت مقهور المشاعر مـع الريـعوالقلـب عـن درب تبـا مــا منعـهـا

هجـت قبـل لا يعـلـن البـيـع وابـيـعفي سوق شرهتها على من شرعها

وسمـيـة الـبـارح تـفـوت المرابـيـعجابت شتات صدوعها مـن صدعهـا

والحذفـة اللـي مـن يديـن المقاليـعابطـت عظـم واللـي حذفهـا قلعهـا

المغتـر اللـي مــا تــرد المضـاريـعيضحـك لـهـا ابـوهـا بقـلـت سنعـهـا

ولــدت مجاهـيـم وولــدت مدالـيـعلا هــو مجمعـهـا ولا الـلـي رقـعـهـا

عجـزت اجمّـع مفختيـن المجامـيـعاليا عصى الراضي رضى من ردعها

بـاب مـن السنـة فتـح بـاب تشييـعوضاعت سننها في مجاهـل شيعهـا

احدن دخل من خوف ما بـالمطاليعواللـي يهـاب الكـايـده مــا طلعـهـا

وان كانـت الاقـلام حبـر ومطـاويـعهـي هاجـس نفـوس قلمهـا ولعـهـا

اللـي حـروفـه للـعـوارف مفـاريـعومـن رقـة اسلوبـه يغطـي افرعهـا

قطعة شكـر تـذوب للعـرف وتميـعواهل المعرفه من طعمهـا طمعهـا

والغـيـر لــو كـانـت بلـيـا مشـاريـعامــا فرقـهـا غـصــب والا جمـعـهـا

وراحـت لا بـو ربيّـع بحـب ودوافيـعمـن شوقهـا لاسمـه غـلاهـا دفعـهـا

تثنـي لـه الركبـه وانـا بـرده اطـيـعحتى ايش لو قبـل المطابـع طبعهـا

ــــــــــــــــــــــــــــــــــــــــ

الشاعر سعود ربيّع

اسمع صدى صوت الذياب المجاويعنادالـهـا عـايــض عـلــي وجمـعـهـا

اسـرج خيـول مخضبـيـن المـداريـعسمـع اليتيمـه يــوم تنـخـا فزعـهـا

صاحت غصب بين البنـي المفاريـعودلّا عـلـيـهـا بالـيـمـيـن ونـزعـهــا

وجتني على اكوار البكار المساريـعحـيـل ولا عـمـر الحـويـر رضـعـهـا

خلاني اطـاوع وانـا قبـل مـا اطيـعان ما رفعـت لهامتـي مـا اخضعهـا

مـا تجحـد الظلمـا نجومـن لوامـيـعوالفـجـر لا بـيّـن حجـاجـه سبـعـهـا

من لا عرف طب القلوب المواجيعجمـاه لا يبـكـي ضـروسـن شلعـهـا

[/quote]

الموضوع الأصلي: مساجله هداج تيما وبين الشاعر الكبير سعود ربيع العازمي | | الكاتب: هداج تيما | | المصدر: شبكة بني عبس

[الوافي99]

صح لسانك على القصيده بس بصراحه مستوى قصيدتك الشعري لا يوازي قصيدة سعود
سعود الافضل

[سعد محمد]

صح الله السنتهم

على هـذه القصائد الجميله

ولاهنت على طرحا.

[شيكاواقير]

ايش كلام
معنى ما فيه معلوم
صح لسانك ولسان سعود

[محمد الرشيدي _2]

صح لسانك ياهداج تيما

[هداج تيما]

اقتباس من مشاركة الوافي99 صح لسانك على القصيده بس بصراحه مستوى قصيدتك الشعري لا يوازي قصيدة سعود سعود الافضل

صح بدنك وسعود و استاذ

[هداج تيما]

اقتباس من مشاركة سعد محمد صح الله السنتهم على هـذه القصائد الجميله ولاهنت على طرحا.

صح ابدنك طال عمرك ولا هنت

[هداج تيما]

اقتباس من مشاركة شيكاواقير ايش كلام معنى ما فيه معلوم صح لسانك ولسان سعود

صح بدنك ولا هنت