[مبارك الخميلي]

قصيده موجهه الى الشاعر الكبير عايد السندي وله مني

التحيه والتقدير





سر ياقلم واكتب من القلب واختص
سلام يهدا لبـو صالـح وخصـه
عايد كريم النفس بالطيب يحرص
على فعول الطيب ياقـو حرصـه
اكتب جوابي له علـى قافيـة اص
والشطر الاخر قافيتها على اصـه
بشكيه حالي حيث بالحب يبخـص
ماخذ مع دروب العشاشيق حصـه
غرون سلبني رصني بالهوى رص
قلبي من هموم الغرابيـل رصـه
عيا يطاوعنـي ولانيـب مقتـص
جسمي نحل منه وبالحيـل مصـه
حبل الموده بيننا قـام ثـم قـص
وانا احسبـن عهودنـا مايقصـه
ابيك تفزعلي تراك انت مختـص
ابي جوابن منـك يمـي تخصـه


رد الشاعر الكبير عايد السندي



جاني جوابن من مبارك ملخص
وبانت مفاهيمه بثلثه ونصه
وقامت بيوت الشعر عندي تراقص
والبستها الخاتم وياقوت فصه
وعتدي غزير الجم ماهو بينقص
وشريط حفل الشعر عندي مقصه
ياصاحبي خصيتني بالمثل خص
بابيات لاهشه ولاهي بعصه
كانك تبي عسر القوافي وتفحص
انا زعيم الشعر فوق المنصه
الشعر هيض وغيض هين وبه عص
وجد وهزل واحيان شرقه وغصه
وان كان قصدك حب بالحب انا ابخص
كم صارلي بالحب سيرة وقصه
لاتنخدع بالحب منه تحرص
اكثر اسلوب الحب كله مقصه
اوصيك عشر وعشر لو تحفظ النص
امانة عندك ومن جاك وصه
حين يعافك منه لازم تخلص
وحبلن يعقدك فيه لازم تقصه
قل امين جعله مايجي رجلك الجص
ومن دار فيك الشر ربي يقصه




الشاعر الكبير عايد السندي

الموضوع الأصلي: بيني وبين الشاعر الكبير عايد السندي | | الكاتب: مبارك الخميلي | | المصدر: شبكة بني عبس

[نافع دميات الدريبي]

مشكووور وبيض الله وجهك وماقصرت

[مبارك الخميلي]

الاخ العزيز

نافع دميات الدريبي

صح بدنك ولاهنت

[مرزوق العجوني]

صحت اللسنتكم ولا هنتوا وتقبلوا مروري