[موسى عبس]

شيوخ عصر العولمة والفلاشات

& ياعيد والله مالهم قابليه

لاسمعو الدعوة وفيها قنوات

& تسابقوا للجلسة الرئسيه

يزاحمون الضيف وأهل المهمات

& ولا يقدرون أهل الوجيه الندية

ومسويين اقروب ولهم عصابات

& ويسعون بين الناس بالعنصرية

كثرت دراهمهم وصاروا بشوات

& وتبي الصحيح اشيوخن مهايطيه

أطيبهم اللي فيه نقصٍ من الذات

& ووجيهم من الكرامة خليه

إلباسهم كشيخه وبشتن ورزات

& ويصدقون المدح لوهو زريه

خبول خلق الله خبول المنصات

& هالحين صار لهم بطاقة هوية

ويا عيد جتك من ابو نورا لعبارات

& والشعر اله عندك عدودن رويه

واستغفر الله كان بالقاف زلات

& من قبل لاتكتب عليه خطيه

الموضوع الأصلي: شيوخ زمان العولمه والقنوات | | الكاتب: موسى عبس | | المصدر: شبكة بني عبس

[ناصر خنيفر]

احسنت قصيده طيبه من كثر كلمة شيخ ماتعرف الصناعي من الاصلي هههههههههههههه

[سعد محمد]

هههههههههههاى

صح الله لسانك على هـذه القصيده الرائعه .

[سحايب]

صح السانك ...

[ملفي العجرمي]

[poem=font="arial,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تشفي شيوخ الهيلمة والدعايات=أللي بكثر المشيخة دوختنا
والشيخة أللي ما لها ساس وإثبات=بالماقف الغصاب ما مثلتنا
هذي شيوخ الفخفخة والخرافات=لا كبرت القالات ما سنعتنا
[/poem]

الشاعر ثنيان بيض الله وجهك على هذه القصيدة الجزلة
والمعبرة كلها درة وتقبل إعجابي بثلاثة هذه الأبيات
تحياتي وتقديري لك

[احممد الرشيدي]

ذائقه مميزهه
صح لسان قايلها ولاهنت عالنقل ^

[عيد عوض الرويضي]

صح لسانك ونزلت الرد

[عبدالهادي بن صبح]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] شيوخ عصر العولمة والفلاشات

& ياعيد والله مالهم قابليه

لاسمعو الدعوة وفيها قنوات

& تسابقوا للجلسة الرئسيه

يزاحمون الضيف وأهل المهمات

& ولا يقدرون أهل الوجيه الندية

ومسويين اقروب ولهم عصابات

& ويسعون بين الناس بالعنصرية
[/poem]

صح لسانك على القصيدة التي تحكي حال واقعنا المرير الذي سمح لكل ضعيف وكل متردي بالصعود على الامجاد الوهميه والكذب والخرافات ....