شيوخ زمان العولمه والقنوات
 

شيوخ عصر العولمة والفلاشات

& ياعيد والله مالهم قابليه

لاسمعو الدعوة وفيها قنوات

& تسابقوا للجلسة الرئسيه

يزاحمون الضيف وأهل المهمات

& ولا يقدرون أهل الوجيه الندية

ومسويين اقروب ولهم عصابات

& ويسعون بين الناس بالعنصرية

كثرت دراهمهم وصاروا بشوات

& وتبي الصحيح اشيوخن مهايطيه

أطيبهم اللي فيه نقصٍ من الذات

& ووجيهم من الكرامة خليه

إلباسهم كشيخه وبشتن ورزات

& ويصدقون المدح لوهو زريه

خبول خلق الله خبول المنصات

& هالحين صار لهم بطاقة هوية

ويا عيد جتك من ابو نورا لعبارات

& والشعر اله عندك عدودن رويه

واستغفر الله كان بالقاف زلات

& من قبل لاتكتب عليه خطيه

احسنت قصيده طيبه من كثر كلمة شيخ ماتعرف الصناعي من الاصلي هههههههههههههه

الشاعر ثنيان بيض الله وجهك على هذه القصيدة الجزلة
والمعبرة كلها درة وتقبل إعجابي بثلاثة هذه الأبيات
تحياتي وتقديري لك

ذائقه مميزهه
صح لسان قايلها ولاهنت عالنقل ^

صح لسانك ونزلت الرد