[كحيلة]

صباحكم//مساكم نكهات تضفي على أيامكم جمال لذتها وسلاسة طعمها لتصفو معكم مشاعر الحب..
اخترت لكم قصيدة راقت لي وهي للشاعر بخيتان البشري..
واتمنى ان يتوافق ذوقي مع ذائقتكم الشعرية..

يقووول:

الحـب نكهـة والمحبـة زهـابـه=والصدق مضمونه والأخلاص عنوان
الشوق دربـه والأحاسيـس بابـه=والود نبعه ما ظمأ منـه عشقـان
والعيـن نظـرة دورهـا ينحكابـه=والقلـب داره لا تـوارى للأعيـان
فيه التفاهـم والفهـم بـه تشابـه=والطيب للغاليـن مفتـوح بستـان
حتى الغلا يرقى مـع اللـي غلابـه=ويلامسه كوكب اراضيـه وجـدان
لين يتعانق فـي سماهـم سحابـه=ولا عاد تلقى فالمحبيـن عطشـان
عِشـره بنوهـا بأحتـرام ومهابـه=مكنونهـا إنسـان يبديـه لأنسـان
لو الزمـن لحظـة تغيـر شرابـه=يبقون في بهجة ولا فيـه زعـلان
هذا سـؤال اللـي يـدور جوابـه=هذي إجابة كـل سائـل وحيـران

وسلامتكم..
للشاعر//بخيتان البشري

الموضوع الأصلي: الحـــــــــــــب نكهــــــــــة... | | الكاتب: كحيلة | | المصدر: شبكة بني عبس

[بن هادي الرشيدي]

صح لسانه وأشهد بالله إنه شاعر متمكن وتسلم يديك الكحيله.

[كحيلة]

اقتباس من مشاركة بن هادي الرشيدي صح لسانه وأشهد بالله إنه شاعر متمكن وتسلم يديك الكحيله.

عسى ربي يسلمك ويسلم غالينك يابن هادي..مشكووور ع المرور الطيب الي أسعدني بالحيييل..
لاخلا ولاعدم..

[غربة الروح !!]

صح احســــآسك ع الاختيــــآر يالغلاااا ^_^

[أمـــير بـكلمتي]

صح لسانكـ

الله يبيض وجهكـ كحيله

[كحيلة]

اقتباس من مشاركة **غربـــــــــــة الــــــــروح** صح احســــآسك ع الاختيــــآر يالغلاااا ^_^

هلابك ياغلاي..منوووره..أسعدني مرورك بالحيييييل ياذوووقنا ^_^
لاخلا منك ولاعدم يابعدي..

[كحيلة]

اقتباس من مشاركة أمـــير بـكلمتي صح لسانكـ الله يبيض وجهكـ كحيله

ووجهـــك أبيــض يالي بكلمتك أميــر..أسعدني مرورك الطيب بالحييل..
لاخلا ولاعدم..

[احمد منيف]

فيه التفاهـم والفهـم بـه تشابـه=والطيب للغاليـن مفتـوح بستـان

عِشـره بنوهـا بأحتـرام ومهابـه=مكنونهـا إنسـان يبديـه لأنسـان

صح الله لسـان شاعرها ...

تسلمي يالكحيـلة ع النقل الطيب ..

لاخلا ولاعدم ..